Сонсголонгийн гүүр орчимд усанд живсэн хүүгийн цогцсыг олжээ
Хан-Уул дүүргийн 8 дугаар хороонд хүүхэд Туул голд живсэн гэсэн дуудлагыг наймдугаар 12-ны өдрийн 16:28 цагт хүлээн авсан.
Нийслэлийн Аврах анги, Хан-Уул дүүргийн Цагдаагийн хэлтсийн алба хаагчид, ар гэрийнхэн 11 настай хүүг уснаас эрэн хайх ажиллагааг зохион байгуулж, нийт 187 удаагийн шумбалт хийжээ.
Харамсалтай нь хүүгийн цогцсыг Сонсголонгийн гүүрнээс баруун зүгт 13 километрын зайд Улаан худаг гэдэг газраас наймдугаар сарын 18-ны өдрийн 17:07 цагт олж, Хан-Уул дүүргийн Цагдаагийн 2 дугаар хэлтэст шилжүүлэн өгсөн гэж Онцгой Байдлын Ерөнхий Газраас мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
