Нэгдүгээр ангид элсэгчдийн бүртгэлийг нийслэлд 61%, орон нутагт 55%-тай хянан баталгаажуулжээ

Гэрэл зургийг mpa.mn

Төрийн өмчийн Ерөнхий Боловсролын Сургуулийн нэгдүгээр ангийн элсэлтийн цахим бүртгэл наймдугаар сарын 12-26-ны хооронд үргэлжилнэ. 

Улсын хэмжээнд хүн амын тоогоор 78,189 хүүхэд ерөнхий боловсролын нэгдүгээр ангид элсэн суралцана. Үүний

• 50.2 хувь буюу 39,247 хүүхэд нийслэлд
• 49.8 хувь буюу 38,942 хүүхэд орон нутагт байна.

Наймдугаар сарын 15-ны 14:00 цагийн байдлаар:

• Нийслэлийн хэмжээнд ерөнхий боловсролын нэгдүгээр ангид элсэх хүүхдийн бүртгэлийг сургуулийн элсэлтийн комисс 60.9 хувьтай хянаж баталгаажуулсан байна. Налайх, Сүхбаатар, Чингэлтэй дүүргийн сургуулийн элсэлтийн комисс 80-95.3 хувийн гүйцэтгэлтэй хянаж баталгаажуулжээ. 
• Сургуулийн элсэлтийн комиссын баталгаажуулан илгээснийг 75.8 хувь буюу 17,553 эцэг эх, асран хамгаалагч баталгаажуулаагүй. 
• Орон нутгийн хэмжээнд ерөнхий боловсролын нэгдүгээр ангид элсэх хүүхдийн бүртгэлийг сургуулийн элсэлтийн комисс 54.9 хувьтай хянаж баталгаажуулсан байна. Дорноговь, Дорнод, Завхан, Сүхбаатар, Хэнтий, Дархан-Уул аймгууд сургуулийн элсэлтийн комисс 81.6-99.9 хувийн гүйцэтгэлтэй хянаж баталгаажуулжээ.

Сургуулийн элсэлтийн комиссын баталгаажуулан илгээснийг 80.9 хувь буюу 15,064 эцэг эх, асран хамгаалагч баталгаажуулаагүйг Боловсролын Ерөнхий Газраас мэдээллээ.