Н.Батсуурь: Өвөөгийнхөө түрүүлж байсан дэвжээнд 80 жилийн дараа түрүүлсэндээ баяртай байна
Тулгар төр байгуулагдсаны 2,234, Их Монгол Улс байгуулагдсаны 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104, Ардчилсан хувьсгалын 35, Увс аймаг үүсэн байгуулагдсаны 100 жилийн ойн баяр наадмын хүчит бөхийн барилдаан амжилттай болж, өндөрлөлөө.
Энэ баяр наадмын хүчит бөхийн барилдаанд Увс аймгийн Ховд сумын харьяат "Увс Нуур" дэвжээний бөх, гавьяат тамирчин, дархан аварга Н.Батсуурь найм даван түрүүлж, Ховд аймгийн Зэрэг сумын харьяат, "Ховд" дэвжээний бөх, улсын заан Б.Бат-Өлзий үзүүрлэлээ.
Дархан аварга Н.Батсуурь бөхийн барилдаанд түрүүлснийхээ дараа энэ тухай ийнхүү ярилаа. Тэрбээр "Миний өвөө, аав гээд манай удам Монгол бөхөөр 80 жил барилдаж байгаа. Энэ утгаараа миний хөгшин аав 20 жилийн ойгоор Увс аймгийнхаа баяр наадамд түрүүлж байсан. Өвөөгийнхөө түрүүлж байсан дэвжээнд түрүүлсэндээ баяртай байна" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
