Өнгөрсөн долоо хоногт ой хээрийн түймрийн зургаа, хүчтэй салхи шуурганы найман дуудлага бүртгэгджээ

Гэрэл зургийг Mpa.mn

Улсын хэмжээнд өнгөрсөн долоо хоногт /2025.07.21-07.27/ нийслэлийн найман дүүрэг, 18 аймгийн 35 суманд аюулт үзэгдэл, ослын 85 удаагийн дуудлага бүртгэгдсэн байна. 

Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэж, 31 иргэний амь насыг авран хамгаалж, тусламж үйлчилгээ үзүүллээ. 

Нийт дуудлагын

• 53 нь объектын гал түймэр,
• зургаа нь ой хээрийн гал түймэр,
• нэг газар хөдлөлт,
• найм нь хүчтэй салхи шуурга,
• нэг нь үер, 
• 16 нь хүний үйл ажиллагаатай холбоотой ослын дуудлага байна гэж Онцгой Байдлын Ерөнхий Газраас мэдээлэв.