Макүшита зиндаанд улсын гарди Д.Рагчаагийн хүү Асахакүрюү Р.Жамъяантогтох түрүүллээ
Мэргэжлийн сүмогийн долдугаар сарын тэмцээн өндөрлөх дөхөж байна.
Өнөөдөр доод дөрвөн зиндааны түрүү бөхчүүд тодорлоо. Дээрээсээ гурав дахь буюу макүшита зиндаанд сүүлийн өдөр ижил 6:0 амжилттай явсан чансааны зүүн №3 дахь бөх Асахакүрюү Р.Жамъяантогтох, чансааны барууны №40 дэх бөх Яго нар хоорондоо учраа таарлаа.
Улсын гарди Д.Рагчаагийн хүү Асахакүрюү Р.Жамъяантогтох өрсөлдөгчөө ялснаар мэргэжлийн сүмод хоёр дахь түрүүгээ авч байна.
Өдгөө 26 настай Р.Жамъяандорж мэргэжлийн сүмод 2023 оны гуравдугаар сарын тэмцээнээс хойш зодоглож буй. Анхны тэмцээндээ жонокүчи зиндаанд түрүүлж байсан тэрбээр есдүгээр сарын тэмцээнээс цолтой бөх болж, жүрье зиндаанд хүч үзэх юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
