“Жүр Үр” ХХК ТОП-100 аж ахуйн нэгжийн нэгээр 8 дахь удаагаа шалгарч, амжилтаа дахин бататгалаа

Монгол улсын засгийн газар болон Монголын Үндэсний Худалдаа Аж Үйлдвэрийн Танхимаас жил бүр уламжлал болгон ТОП 100 аж ахуйн нэгжийг шалгаруулдаг билээ. Энэхүү хүндэтгэлийн үйл ажиллагаа 24 дэх жилдээ амжилттай зохион байгуулагдлаа.

Монгол улсын нийгэм, эдийн засгийг өсөн дэвжихэд бодитой хувь нэмэр оруулсан, ашиг орлого, нийгмийн даатгал, татвар төлөлт, ажил олголт зэрэг үзүүлэлтээр тэргүүлэгч аж ахуйн нэгжүүдийг шалгаруулан өргөмжилдөг нэр хүндтэй энэхүү шалгаруулалтад “Жүр Үр ХХК” нь 35 дугаарт эрэмбэлэгдлээ.

 

2024 онд “Жүр Үр ХХК” нь:

• Даатгуулагчийн тооны эрэмбээр: 16-рт
• Хөрөнгийн эрэмбээр: 67-рт
• Татвар төлөлтийн эрэмбээр: 68-рт
• Ашгийн хэмжээний эрэмбээр: 68-рт
• Борлуулалтын орлогоор: 86-рт тус тус эрэмбэлэгдэж амжилтаа бататгасан байна.

ТОП 100 аж ахуйн нэгжээр шалгарах хамгийн том хүч болсон биднийг сонгон үйлчлүүлдэг эрхэм хэрэглэгч, харилцагч нар, чин сэтгэлээсээ ажилладаг хамт олон та бүхэндээ талархал илэрхийлье.