АН-ын бүлэг гурван үндэсний хороог татан буулгаж, чиг үүргийг яамдад шилжүүлэх тухай асуудалд нэг өдрийн завсарлага авав
15:18 2025/06/24
Хэлэлцэж буй асуудалтай холбогдуулан Ардчилсан Нам (АН)-ын бүлгийн дарга О.Цогтгэрэл "Засгийн газрын бүрэлдэхүүний тухай хуульд өөрчлөлт оруулах тухай хуулийн төсөл дээр манай намын бүлэг ажлын хоёр өдрийн завсарлага авахыг хүсэж байна.
Засгийн газрын бүрэлдэхүүний асуудлыг хэлэлцэж эхлэхээс Ардчилсан Намын бүлгээс тодорхой хэмжээний зүйл заалт бүхий шаардлага хүргүүлсэн. Энэ хүрээнд дахин ярилцах шаардлага байна. УИХ бол ойлголцлын талбар гэж болно. Олон олон хууль дээр ойлголцол хэрэгтэй" хэмээн ярив.
Тус хүсэлттэй холбогдуулан УИХ-ын дарга Г.Амарбаясгалан Ардчилсан Намын бүлэгт ажлын нэг өдрийн завсарлага өгөв. УИХ-ын чуулганы нэгдсэн хуралдаан маргааш 14:00 цагт эхэлж, Засгийн газрын бүрэлдэхүүний тухай хуульд өөрчлөлт оруулах тухай хуулийн төслийг хэлэлцэнэ.
15:09 2025/06/24
УИХ-ын хаврын ээлжит чуулганы нэгдсэн хуралдаан Төрийн ордонд эхэллээ.
Өнөөдрийн хуралдаанаар Засгийн газрын бүрэлдэхүүний тухай хуульд өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүдийг хэлэлцэнэ.
Засгийн газрын бүрэлдэхүүний тухай хуульд өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төсөлд тусгаснаар:
- Засгийн газрын бүрэлдэхүүний тухай хуульд өөрчлөлт оруулах буюу тус хуулийн 1 дүгээр зүйлд заасан Хяналт, үнэлгээний Үндэсний хорооны дарга, Боомтын сэргэлтийн Үндэсний хорооны дарга, 20 минутын хот Үндэсний хорооны даргатай холбоотой хэсгийг тус тус хүчингүй болгох,
- Үндэсний баялгийн сангийн асуудал, төрийн үйл ажиллагааны ил тод байдлыг хангах нэгдсэн бодлого, төрийн бүтээмж, нээлттэй засаглалын түншлэлийн асуудал, хөгжлийн бодлого, төлөвлөлтийн баримт бичиг, Засгийн газрын үйл ажиллагааны хөтөлбөрийн хэрэгжилтэд хяналт тавих асуудлыг Монгол Улсын Тэргүүн Шадар сайд бөгөөд Эдийн засаг, хөгжлийн сайдын,
- хууль тогтоомж, Засгийн газрын шийдвэрийн биелэлтэд хяналт тавих асуудлыг Монгол Улсын сайд Засгийн газрын Хэрэг эрхлэх газрын даргын,
- хилийн бүс дэх тээвэр, ложистикийн нэгдсэн сүлжээг хөгжүүлэх, хилийн боомтын хөгжлийн бодлого, төлөвлөлт, хилийн боомтын болон стратегийн орд газрыг холбосон дэд бүтцийн бүтээн байгуулалт, шинэчлэлийн асуудлыг Сангийн сайдын;
- хотын хэт төвлөрлийг сааруулах, нийгмийн үйлчилгээг 20 минутын дотор авах хүнд ээлтэй шинэ орчин, нөхцөлийг бүрдүүлэх бодлого зохицуулалт, авто замын түгжрэлийг бууруулах асуудлыг Хот байгуулалт, барилга, орон сууцжуулалтын сайдын эрхлэх асуудалд тус тус хамааруулахаар заажээ.
шууд үзэх:
15:18 2025/06/24
Хэлэлцэж буй асуудалтай холбогдуулан Ардчилсан Нам (АН)-ын бүлгийн дарга О.Цогтгэрэл "Засгийн газрын бүрэлдэхүүний тухай хуульд өөрчлөлт оруулах тухай хуулийн төсөл дээр манай намын бүлэг ажлын хоёр өдрийн завсарлага авахыг хүсэж байна.
Засгийн газрын бүрэлдэхүүний асуудлыг хэлэлцэж эхлэхээс Ардчилсан Намын бүлгээс тодорхой хэмжээний зүйл заалт бүхий шаардлага хүргүүлсэн. Энэ хүрээнд дахин ярилцах шаардлага байна. УИХ бол ойлголцлын талбар гэж болно. Олон олон хууль дээр ойлголцол хэрэгтэй" хэмээн ярив.
Тус хүсэлттэй холбогдуулан УИХ-ын дарга Г.Амарбаясгалан Ардчилсан Намын бүлэгт ажлын нэг өдрийн завсарлага өгөв. УИХ-ын чуулганы нэгдсэн хуралдаан маргааш 14:00 цагт эхэлж, Засгийн газрын бүрэлдэхүүний тухай хуульд өөрчлөлт оруулах тухай хуулийн төслийг хэлэлцэнэ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
