ЦЕГ-ын Хэвлэл мэдээлэл, олон нийттэй харилцах хэлтсийн даргаар дэд хурандаа Д.Мөнххуяг томилогджээ
Цагдаагийн Ерөнхий Газар(ЦЕГ)-ын Урьдчилан сэргийлэх албаны Хэвлэл мэдээлэл, олон нийттэй харилцах хэлтсийн даргаар цагдаагийн дэд хурандаа Д.Мөнххуяг томилогджээ.
Тэрбээр хэсгийн төлөөлөгч, эрүүгийн төлөөлөгч, эдийн засгийн ахлах төлөөлөгч, эрүүгийн ахлах мөрдөгч, Санхүү, аж ахуйн албаны Төлөвлөлт, дотоод ажил хариуцсан чиглэлийн ахлах мэргэжилтэн, Архангай аймгийн цагдаагийн газрын дарга, Дотоод хяналт-аюулгүй байдлын газарт ахлах байцаагчаар ажиллаж байсан туршлагатай.
Цагдаагийн дэд хурандаа Д.Мөнххуяг нь цагдаагийн байгууллагад 23 дахь жилдээ ажиллаж байна гэж ЦЕГ-аас мэдээлэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
