Генерал Т.Дашдэлэгтэй хамаатай гэх нэр бүхий таван хүнийг саатууллаа
ГХЯ, БХЯ-ны нэр бүхий албаны хүмүүсийг АТГ-аас өчигдөр саатуулсан байна. Тухайлбал, ГХЯ-ны Консулын газрын дарга, БХЯ-ны газрын дарга Батсайхан, Жаргалсайхан, тус яамны сайдын зөвлөх, “Монгол-999” нэгдлийн тэргүүн Л.Ариунболд, УИХ-ын гишүүн асан Б.Батжаргалын хүү гээд нийт таван хүнийг саатуулсан аж.
Дээрх хүмүүсийг ЗХЖШ-ын Агаарын довтолгооноос хамгаалах цэргийн командлагч асан, бригадын генерал Т.Дашдэлэгтэй хамтран “Миг-21” байлдааны онгоцны хөдөлгүүрийг БНАСАУ-д худалдах гэрээ байгуулсан, “Ми-8” нисдэг тэрэг худалдах гэж байсан, БХЯ-ны эд хөрөнгийг хувьдаа шамшигдуулсан хэрэгт буруутгаж байгаа гэнэ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
