Гэрэл зургийг MPA агентлагийн онцгой зөвшөөрөлтэйгөөр ашиглав

Урин дулаан цаг болж гадуур зэрлэгшсэн, эзэнгүй нохой олноороо явж байгаатай холбогдуулан анхаарал болгоомжтой байж, бага насны хүүхдэд тавих хараа хяналтаа сайжруулж нохойд хазуулах эрсдэлээс сэргийлээрэй.

Зөвлөмж:

• Нохойн хүзүү, сүүлнээс нь татахгүй байхыг хүүхдэд анхааруулах
• Уяатай нохойд хүрэхгүй байх
• Гудамжаар явахдаа анхаарал болгоомжтой байх
• Айлд орохдоо нохойг уяатай эсэхийг лавлах
• Ороо нь орсон нохой догширдог тул олноороо байгаа нохдоос аль болох холуур явах
• Нохой дайрсан үед гүйж зугтаах эсвэл хашхирч орилохгүй байх
• Нохойтой айлууд нохойгоо уях, сул тавьж хашаанаас гаргахгүй байх
• Гудамжаар нохойтой явахдаа хошуувч болон хүзүүвчтэй хөтөлж явах
• Бага насны хүүхдийг ганцааранг нь нохойтой орхихгүй байх (Хэдий сургасан нохой байсан ч санаандгүй тохиолдлоор хазах магадлалтай)
• Хоолоо идэж байгаа болон унтаж байгаа нохойг тайван байлгах

Нохойд хазуулсан тохиолдолд:

• Яаралтай эмнэлгийн байгууллагад хандах, вакцины тундаа хамрагдах
• Хэрэв хазуулсан газраас их хэмжээний цус алдаж байвал шархыг цэвэр даавуу эсвэл боолтоор боож цусыг тогтоох
• Нохойд хазуулсны дараа халдвар авахгүйн тулд шархыг сайтар цэвэрлэх, цэвэр боолт тогтмол хийх
• Олон нийт та бүхэн хэн нэгнийг эрсдэлд оруулахаас урьдчилан сэргийлж, нохойгоо уяж хэвшихийг Гэмтэл Согог Судлалын Үндэсний Төвөөс сэрэмжлүүллээ.