Төв талбай дээр зургаан өдөр тонн, тоннын узбек плов амтлуулах "UB food” өдөрлөгийн ХӨТӨЛБӨР
Улаанбаатар хотын төв талбайд маргаашаас эхлэн дөрөвдүгээр сарын 14-ний өдрийг дуустал хугацаанд “UB food” олон улсын хоолны өдөрлөг болох гэж байна.
Төв талбайд барьсан 4,000 хүний багтаамжтай асарт орохдоо 5,000 төгрөг төлж узбек тогоочийн бэлтгэсэн плов, шашлык, казань кебаб, самса болон монгол үндэсний гурилтай шөлтэй хоолыг хүссэнээрээ амтлах боломжтой.
Монголын бурхан шашинтны төв Гандантэгчинлэн хийдийн лам нар нэг тоннын багтаамжтай ширмэн тогоонд гурилтай шөлийг уламжлалт аргаар бэлтгэх бол узбек тогооч нар нар өдөр бүр 12:30 цагт 2-3 тонн плов үйлдвэрлэж гаргана.
Хөтөлбөрөөс онцолбол узбек, монгол хоолноос гадна олон орны хоолны соёл, амт чанар, стандартыг хоол үйлчилгээний салбарт нэвтрүүлж, иргэдэд танилцуулах, жуулчдын анхаарлыг татах олон сонирхолтой үзүүлбэрийг бэлтгэжээ.
Мөн залуучуудад зориулсан Dj үзүүлбэр, Open Mic, “Бага тойрог” урлагийн тоглолт, Узбек бараа бүтээгдэхүүний худалдаа, Улаанбаатар театрын тоглолт, “Анир” поп оркестрийн тоглолт, амьд хөгжмийн тоглолт, төрөл бүрийн хоолны тэмцээнүүд болох юм байна.
Өдөрлөгийн арга хэмжээ өдөр бүр 12:00-21:00 цаг хүртэл үргэлжилнэ.
“UB food” олон улсын хоолны өдөрлөгийн хөтөлбөр:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
34 СЭТГЭГДЭЛТЭЙ
|
