“УБТЗ” ХНН “Хамтын ажиллагаа-2025” зөвлөгөөнийг зохион байгуулна
“Улаанбаатар төмөр зам” ХНН үйлчлүүлэгч байгууллагуудтайгаа “Хамтын ажиллагаа-2025” зөвлөгөөнийг зохион байгуулах гэж байна.
Жил бүр УБТЗ-ын зүгээс зохион байгуулдаг уг зөвлөгөөн нь тээвэрлэгч болон төмөр замаар үйлчлүүлэгч байгууллагууд тулгамдаж буй асуудлуудаа хамтаараа хэлэлцэн зөвшилцөж, нэгдсэн ойлголцолд хүрч, хамтын ажиллагааныхаа үр өгөөжийг дээшлүүлэхэд чухал алхам болдог юм.
Удахгүй болох энэ удаагийн зөвлөгөөнд Зам тээврийн яам, Аж үйлдвэр, эрдэс баялгийн яам, Гаалийн ерөнхий газар, Ашигт малтмал, газрын тосны газар, Монголын үндэсний худалдаа, аж үйлдвэрийн танхим, Монголын тээвэр зуучлагчдын нэгдсэн холбоо, Тээвэр зуучийн байгууллагууд болон УБТЗ-аар үйлчлүүлэгч бусад аж ахуйн нэгж, иргэд оролцох юм.
Зөвлөгөөн 2025 оны 4 дүгээр сарын 09-ний өдрийн 09.00 цагт “Ган зам паласт” болно.
Эх сурвалж: “УБТЗ” ХНН
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
