Маргааш зүүн аймгуудын ихэнх нутгаар цасан шуурга шуурна

Гэрэл зургийг MPA агентлагийн онцгой зөвшөөрөлтэйгөөр ашиглав

Маргааш буюу дөрөвдүгээр сарын 4-8-ны өдрийг хүртэл ирэх тав хоногийн цаг агаарын урьдчилсан төлөвийг Цаг уур, орчны шинжилгээний газраас мэдээллээ. 

Хур тунадас: 

• Дөрөвдүгээр сарын 4-нд зүүн аймгуудын ихэнх нутгаар,
• Дөрөвдүгээр сарын 7-нд Хөвсгөл, Хэнтийн уулархаг нутгаар нойтон цас, цас орж, цасан шуурга шуурна.
• Бусад хугацаанд хур тунадас орохгүй.

Салхи:

• Дөрөвдүгээр сарын 4-нд говь, талын нутгаар,
• Дөрөвдүгээр сарын 5-нд Алтайн салбар уулсаар,
• Дөрөвдүгээр сарын 6-нд нутгийн зарим газраар,
• Дөрөвдүгээр сарын 7-нд говь, тал, хээрийн нутгаар секундэд 7-12 метр, зарим үед секундэд 15-17 метр хүрч ширүүсэж, шороон шуурга шуурна.

Агаарын температур: 

• Ихэнх нутгаар дулаарч Увс нуурын хотгор, Завхан голын эх, Тэс голын хөндийгөөр шөнөдөө -13...-18 градус, өдөртөө +3...-2 градус,
• Хангай, Хөвсгөл, Хэнтийн уулархаг нутаг, Хүрэнбэлчир орчим, Идэр голын хөндийгөөр шөнөдөө -7…-12 градус хүйтэн, өдөртөө +5...+10 градус дулаан,
• Орхон-Сэлэнгийн сав газар, говийн бүс нутгийн өмнөд хэсгээр шөнөдөө -3...+2 градус, өдөртөө +16…+21 градус дулаан,
• бусад нутгаар шөнөдөө 0…-5 градус хүйтэн, өдөртөө +10...+15 градус дулаан байна.