Чөлөөтийнхөн тивийн аваргын тэмцээнээс 3 мөнгө, 7 хүрэл медаль хүртлээ

Дэлхийн Бөхийн Нэгдсэн Холбоо (UWW)-ноос зохион байгуулж буй Азийн Аварга Шалгаруулах Тэмцээн (ААШТ) Йорданы Амман хотод энэ сарын 25-наас 30-ныг дуустал боллоо.

Эмэгтэйчүүдийн ангилалд 

• 65 кг-ын жинд Т.Энхжин мөнгө,
• 50 кг-ын жинд Б.Мөнхнар, 55 кг-ын жинд Б.Отгонтуяа, 68 кг-ын жинд Э.Дэлгэрмаа, 72 кг-ын жинд З.Болортунгалаг нар хүрэл медаль хүртлээ.

Багийн дүнгээр Япон (186) тэргүүлж, БНХАУ (157), Хойд Солонгос (155) оноогоор мөнгө, хүрлийн эзэд болов.

Монголын эмэгтэй баг нэг мөнгө, таван хүрэл медаль хүртсэн амжилтаараа 126 оноогоор IV байр эзэлсэн юм.

 

Харин эрэгтэй чөлөөтийнхөн хошой мөнгө, гурван хүрэл медальтайгаар тэмцээнээ өндөрлүүлэв.

Тодруулбал

• 65 кг-ын жинд Ц.Цогбадрах, 125 кг-ын жинд М.Лхагвагэрэл нар мөнгөн медаль хүртсэн бол 
• 57 кг-ын жинд Б.Мөнх-Эрдэнэ, 79 кг-ын жинд О.Сүлдхүү, 86 кг-ын жинд Н.Батбилгүүн нар хүрэл медаль авлаа.

Эрчүүдийг багийн дүнгээр Иран (190) манлайлсан. Иранчууд дөрвөн жинд аваргалсан бол гурван жинд алт авсан Япон (146), нэг жинд өнгөлсөн Казахстан (123) багийн дүнгээр мөнгө, хүрэл медаль зүүлээ.

Харин манай тамирчид 121 оноогоор IV байрт бичигдсэн байна.