Зогсоолын асуудлаас болж нэгнийгээ тоглоомон буугаар сүрдүүлсэн хэргийг цагдаагийн байгууллагаас шалгаж байна

Эх сурвалж: ЦЕГ

“Иргэд маргалдах явцдаа буу гаргаж байна” гэх гарчигтай бичлэг олон нийтийн цахим сүлжээнд өчигдөр нийтлэгдсэн. 

Үүнтэй холбоотойгоор цагдаагийн байгууллагаас уг асуудлыг бүртгэлд авч, зөрчлийн хэрэг бүртгэлтийн ажиллагаа явуулж байна.

Зөрчлийн тухай хуулийн 5.2 дугаар зүйлд (Танхайрах)

Олон нийтийн газарт, эсхүл орон байранд:

• 1.1.хэрүүл маргаан үүсгэж;
• 1.2.бусдыг өдөөн хатгаж;
• 1.3.бусдын амгалан тайван байдал алдагдуулж;
• 1.4.олон нийтийг үл хүндэтгэж;
• 1.5.үйлчилгээний болон дарааллын журам зөрчиж биеэ авч явах нийтээр хүлээн зөвшөөрөгдсөн хэм хэмжээг зөрчсөн, эсхүл аж ахуйн нэгж, байгууллагын хэвийн үйл ажиллагааг алдагдуулсан бол хүнийг нэг зуун нэгжтэй тэнцэх хэмжээний төгрөгөөр торгох, эсхүл албадан сургалтад хамруулж долоогоос гуч хоногийн хугацаагаар баривчлах шийтгэл оногдуулахаар хуульчилсан.

Эх сурвалж: Цагдаагийн Ерөнхий Газар