Нийслэлийн нутаг дэвсгэрт үйл ажиллагаа явуулж байгаа 39 сүм, хийдийн зөвшөөрлийг сунгав
Нийслэл хотын нутаг дэвсгэрт үйл ажиллагаа явуулж байгаа 39 сүм, хийдийн зөвшөөрлийг 2025 оны гуравдугаар сарын 28-ны өдрөөс нэг жилийн хугацаагаар сунгав.
Сүм хийд байгуулах тухай иргэдээс гаргасан өргөдлийг дүрмийн хамт аймаг, Нийслэлийн Иргэдийн Төлөөлөгчдийн Хурал хянан үзэж, зөвшөөрөл олгох эсэхийг шийдвэрлэх хуулийн зохицуулалттай.
Олгосон зөвшөөрлийг үндэслэн сүм хийдийг улсын бүртгэлийн асуудал эрхэлсэн төрийн захиргааны байгууллага бүртгэдэг байна.
2014 онд Монгол Улсад анх удаа сүм хийд, шашны байгууллагын тооллогыг зохион байгуулж, нийслэлийн нутаг дэвсгэрийн хэмжээнд 10 орчим шашны төрөл, урсгал чиглэлийг төлөөлсөн, үйл ажиллагаа эрхлэн явуулах зөвшөөрөлтэй болон зөвшөөрөлгүй нийтдээ 372 сүм, хийд, шашны байгууллага тоологдож байжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
21 СЭТГЭГДЭЛТЭЙ
|
