Хайрын шүлгийн уралдааны тов гарлаа

Хайрын шүлгийн уралдааны тов гарлаа

Монголын залуучуудын холбооноос жил бүр уламж­лал болгон зохион бай­гуул­даг “Цагаан-Уул” хайрын шүлгийн наадам 16 дахь жилдээ болох гэж байна.

Залуу уран бүтээлчдийг дэмжих, тэдний уран бүтээ­лийг үнэлж, нийтийн хүр­тээл болгох, олон нийтэд сурталчлах зорилготой энэ­хүү наадам өнгөрсөн жи­лээс эхлэн хайрын шүлэг, хайрын тухай дууны үг шалгаруулах болон хайрын богино хэмжээний шүлгэн мессежний уралдаан гэсэн гурван төрлөөр явагддаг болсон.

Өнгөрсөн жил “Мон­гол хэлний яруу сайхны тө­лөө” уриатайгаар зохион байгуулагдсан энэ наадамд 150 орчим хайрын шүлгийн яруу найрагч үгийн урнаар уралдаж байв. 

Харин орон нутгаас “Цагаан уул-2014” хайрын шүлгийн наадамд оролцох уран бүтээлчид бүтээлээ нэг­дүгээр сарын 5-25-ны хоо­ронд орон нутаг дахь Мон­голын залуучуудын хол­бооны салбараар дам­жуулан ирүүлэх бол, нийс­лэлчүүд бүтээлээ МЗХ-ны 201 тоотод авчирч өгөх, мөн МЗХ-ны event@myf.mn онлайн хаягаар ирүүлж боломжтой аж.