“НеоСити” хотхон төслийн хөрөнгө оруулалтын зөвлөхөөр “Өлзий энд Ко капитал” ҮЦК ажиллаж байна

“НеоСити” хотхон төслийн хөрөнгө оруулалтын зөвлөхөөр “Өлзий энд Ко капитал” ҮЦК ХХК ажиллахаар болж, хамтран ажиллах гэрээ байгууллаа.

 

Хан-Уул дүүргийн 8 дугаар хороо, Степпе Аренагийн зүүн урд талд орчин үеийн, хамгийн том ногоон байгууламжтай 2400 айлын, бүрэн цутгамал “НеоСити” хотхоны бүтээн байгуулалтын ажил өнгөрсөн намар эхэлсэн бөгөөд эхний ээлжийн 400 айлын орон сууц нь энэ оны 11-р сард ашиглалтад орж, оршин суугчдадаа түлхүүр гардуулан өгөх юм.

Тус төсөл нь АНУ-ын ногоон барилгын LEED сертификатыг хангаж буй Монголын анхны орон сууц болж байгаагаараа онцлогтой.

“НеоСити” хотхонд сургалтын чанараараа хүлээн зөвшөөрөгдсөн “Шинэ Монгол” сургуулийн 3  дахь салбар, “Ёкоминэ Монгол” цэцэрлэг нээгдэх бөгөөд сургуулиа энэ оны 9 дүгээр сарын 1-нд ашиглалтад оруулахаар бүтээн байгуулалтын ажил нь үргэлжилж байна. Энэхүү сургууль, цэцэрлэг нийт элсэлтийнхээ 70 хувийг “НеоСити” хотхоны оршин суугчдын хүүхдүүдээс авах юм байна.

 

 

Төслийн бүтээн байгуулалтын ерөнхий гүйцэтгэгчээр салбартаа нэр хүнд бүхий “Дельта Констракшн” ХХК ажиллаж байна. Тус компанийн хэрэгжүүлсэн төслүүдээс дурдвал, Буянт Ухаа I, II, Шинэ Яармаг, Sky Garden Residence, Tokyo Town, Emerald Residence, Кристал таун зэргийг нэрлэж болно. Харин зураг төслийг “Хурд” группийн олон төсөлд хамтран ажилласан, салбартаа туршлагатай “Интеллект Тауэр” ХХК хариуцан гүйцэтгэжээ.

Төслийн мастер төлөвлөгөө, ногоон байгууламжийн зургийг Үндэсний соёл амралтын хүрээлэн дэх “Рио Тинто Монгол” компанийн санхүүжүүлсэн бүтээн байгуулалтын зураг төслийг боловсруулсан “Анаграм” ХХК боловсруулан ажиллаж байна.

 

 

“НеоСити” төслийг санаачлагч “Монголын Финтек групп” ХК нь өөрийн охин компаниуд болох Sendly компанийн IPO, нээлттэй бондын төслүүд, Hipay компанийн хаалттай бондын төслүүд дээр сүүлийн 7 жилийн хугацаанд “Өлзий энд Ко капитал” ҮЦК-тай хамтран ажиллаж байсан туршлагатай.  

Энэ удаад “Өлзий энд Ко капитал” ҮЦК-тай хамтран хөрөнгө оруулалтын үр өгөөжийг хүртэх давуу эрхийн хувьцааг хөрөнгө оруулагчдад санал болгож байна. Уг давуу эрхийн хувьцаа эзэмшигч нь төсөл хэрэгжих гурван жилийн хугацаанд төслөөс жил бүр өгөөж хүртэх бөгөөд захиалга нь эрчимтэй явагдаж байна.