Уншиж байна ...
Зураг

Хураамж төлдөг болсноос хойш орон нутгийн дугаартай тээврийн хэрэгслүүд хотоос гарах нь ихэсжээ

Д.Янжиндулам, ikon.mn
2 цаг 34 минутын өмнө
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Орон нутгийн дугаартай тээврийн хэрэгсэл Улаанбаатар хотод 48 цагаас доош хугацаанд зорчвол 1,000 төгрөг, 48 цагаас дээш хугацаанд зорчвол 5,000 төгрөгийн хураамж төлөх нийслэлийн ИТХ-ын тогтоол 2024 оны есдүгээр сарын 1-нээс хэрэгжиж буй.

5,000 төгрөгийн хураамж төлдөг болсноос хойш хотоос гарах орон нутгийн дугаартай тээврийн хэрэгслийн тоо нэмэгджээ.

Сүүлийн зургаан сарын байдлаарх орон нутгийн дугаартай тээврийн хэрэгслийн Улаанбаатар хот руу орох, гарах зорчилт хөдөлгөөний мэдээллийг хүргэж байна.

  • 2024 оны есдүгээр сард орон нутгийн дугаартай 114,612 тээврийн хэрэгсэл хотод ирсэн бол 57,132 тээврийн хэрэгсэл гарчээ.
     
  • Аравдугаар сард орон нутгийн дугаартай 101,996 тээврийн хэрэгсэл Улаанбаатар хот руу нэвтэрч 113,470 тээврийн хэрэгсэл гарсан.
     
  • Арваннэгдүгээр сард орон нутгийн дугаартай 121,630 тээврийн хэрэгсэл ирсэн бол 130,870 тээврийн хэрэгсэл гарсан.
     
  • Арванхоёрдугаар сард орон нутгийн дугаартай 130,002 тээврийн хэрэгсэл ирж, 149,509 тээврийн хэрэгсэл явсан.
     
  • 2025 оны нэгдүгээр сард орон нутгийн дугаартай 135,640 тээврийн хэрэгсэл Улаанбаатар хот руу нэвтэрсэн бол 144,310 тээврийн хэрэгсэл гарсан байна.
     
  • Хоёрдугаар сарын 15-ны өдрийн байдлаар орон нутгийн дугаартай 58,993 тээврийн хэрэгсэл ирж, 71,310 тээврийн хэрэгсэл хотоос гарчээ.
зураг