УИХ: Санхүүгийн зохицуулах хорооны даргаар Т.Жамбаажамцыг томиллоо

УИХ-ын чуулганы нэгдсэн хуралдаан эхэллээ. 

Хуралдаанаар хэлэлцэх асуудлыг УИХ-ын дарга танилцуулснаар Санхүүгийн зохицуулах хорооны даргыг томилох асуудлыг хэлэлцэж байна. 

УИХ-ын дарга Д.Амарбаясгалан бүрэн эрхийнхээ хүрээнд СЗХ-ны даргад Т.Жамбаажамцыг нэр дэвшүүлсэн юм. 

Т.Жамбаажамц нь Монгол Улсын Ерөнхийлөгчийн зарлигаар олгосон төрийн захиргааны тэргүүн зэрэг дэвтэй, төрийн мэргэшсэн албан хаагч болохыг дурдав. Нэр дэвшигчийн мэргэшсэн байдлын хувьд Япон, Англи, Малайз, Энэтхэг, Египет, Солонгос, Хятад, Америк зэрэг улсад санхүүгийн хөрөнгийн зах зээлийн чиглэлээр богино болон дунд хугацааны сургалтад хамрагдсан байна. 2010-2012 онд Нью-Йорк хөрөнгийн бирж, Лондонгийн хөрөнгийн бирж, Хонгконгийн хөрөнгийн бирж, АНУ-ын Хөрөнгө оруулалтын банк, Үнэт цаасны хороонд дадлагажигчаар суралцсан байна. 2011 онд БНСУ-ын Хөрөнгө оруулалтын “Leading Investment & Securities” банканд гурван сарын хугацаанд дадлагажиж мэргэжил дээшлүүлсэн болохыг Байнгын хорооны гишүүдэд танилцуулав. Мөн хөрөнгийн зах зээл, компанийн засаглал, бизнесийн эрх зүй сэдвээр санхүүгийн мэргэжлийн үйл ажиллагаа эрхлэгчдэд эрх олгох болон мэргэшүүлэх сургалт, Санхүү, эдийн засгийн их сургуулийн магистрын хөтөлбөрт 10 гаруй жилийн хугацаанд ажиллаж байгаа нэгэн юм байна.

Гишүүд нэр дэвшигчээс асуулт асуу, хариулт авснаар томилгооны санал хураалтыг нууцаар явуулав. Санал хураалтад оролцсон гишүүдийн 66.7 хувь нь дэмжсэнээр Т.Жамбаажамцыг Санхүүгийн зохицуулах хорооны даргаар томиллоо. 

ШУУД ҮЗЭХ: