Шинэ оны эхний өдрүүдийн цаг агаар ямар байх вэ?

Гэрэл зургийг MPA агентлагийн онцгой зөвшөөрөлтэйгөөр ашиглав

12 дугаар сарын 30-наас 2025 оны нэгдүгээр сарын 8-ныг хүртэлх цаг агаарын 10 хоногийн урьдчилсан төлөвийг Цаг уур, орчны шинжилгээний газраас мэдээллээ. 

Хур тунадас: 

• Арванхоёрдугаар сарын 30-нд Монгол-Алтайн уулархаг нутгаар,
• Арванхоёрдугаар сарын 31-нд Алтай, Хангай, Хөвсгөл, Хэнтийн уулархаг нутгаар,
• 2025 оны нэгдүгээр сарын 1-нд Хэнтийн уулархаг нутгаар,
• Нэгдүгээр сарын 3-нд Алтай, Хангайн уулархаг нутгаар цас орно. 

Салхи:

Ихэнх хугацаанд ихэнх нутгаар секундэд 5-10 метр, Арванхоёрдугаар сарын 31-нд нутгийн зарим газраар, 2025 оны нэгдүгээр сарын 1-нд говь, тал, хээрийн нутгаар секундэд 13-15 метр хүрч ширүүснэ. 

Агаарын температур:

• Дархадын хотгор, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө -38...-43 градус, өдөртөө -26...-31 градус,
• Монгол-Алтай, Хангай, Хөвсгөл, Хэнтийн уулархаг нутаг, Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө -29....-34 градус, өдөртөө -19....-24 градус,
• говийн бүс нутгийн өмнөд хэсгээр шөнөдөө -13...-18 градус, өдөртөө -6...-11 градус,
• бусад нутгаар шөнөдөө -22...-27 градус, өдөртөө -13...-18 градус хүйтэн байна.

Улаанбаатар хот орчмын 10 хоногийн цаг агаарын урьдчилсан төлөв

• Хур тунадас: Арванхоёрдугаар сарын 31-нээс 2025 оны нэгдүгээр сарын 1-нд шилжих шөнө цас, 2025 оны нэгдүгээр сарын 1-ний өдөр ялимгүй цас орно. Бусад хугацаанд цас орохгүй. 
• Салхи: Ихэнх хугацаанд секундэд 5-10 метр 2025 оны нэгдүгээр сарын 1-нд баруун өмнөөс хойш эргэж секундэд 12-14 метр хүрч ширүүснэ.
• Агаарын температур: Яармаг-Сонгины орчмоор шөнөдөө -27...-32 градус, бусад хэсгээр шөнөдөө -22...-27 градус, өдөртөө -13...-18 градус хүйтэн байна.