АНУ-ын Нью-Орлеан хотод болсон халдлагын дараа "Sugar Bowl" тэмцээн хойшлогджээ

Шинэ оны эхний өдөр АНУ-ын Нью Орлеан хотод орон нутгийн цагаар шөнийн 03:15 цагийн орчимд Ford загварын автомашин жолоодсон эр гудамжинд олон хүн дайрсан хэрэг гарсан.

Үүний улмаас 15 хүн амиа алдаж, 35 нь бэртэж, гэмтжээ.

Тэгвэл Нью Орленс хотод шинэ оны эхний өдөр зохион байгуулагдах байсан америк хөлбөмбөгийн коллежийн "Sugar Bowl" тэмцээнийг хойшлуулах шийдвэр гаргаснаа зохион байгуулагчид мэдэгдлээ.

Америк хөлбөмбөгийн оюутны лигийн шөвгийн наймд шалгарсан багийн тоглолтыг "Sugar Bowl" гэж нэрлэгдэг. Шилдэг дөрөвт шалгарах багийг тодруулах ёстой уг тэмцээн үзэгчдийнхээ тоогоор дээгүүрт ордог юм. 

Уг тэмцээнд "Notre Dame" болон "University of Georgia" их сургуулийн багийн тоглолт албан ёсоор хойшлогджээ.

Ийм хэргийн дараа мужийн зүгээс олон хүн цуглуулсан арга хэмжээг зохион байгуулахад бэлэн бус байгаа тул нөхцөл байдлыг сайжирсны дараа тэмцээнээ үргэлжлүүлэхээр төлөвлөснөө мэдэгдсэн юм.

Эх сурвалж: BBC