Энэ хүрээнд гар сарвууны гэмтэл буюу иргэдийн нийтлэг хэлж заншсанаар "Хуруу тулах" үед татаж огт болохгүйг ГССҮТ-ийн Гар сарвууны мэс заслын тасгийн зөвлөх эмч, Анагаах ухааны доктор, профессор С.Баатаржав анхааруулж байна. 

Хуруу тулсан үед хурууг нь татах үзэгдэл монголчуудын дунд ажиглагддаг. 

Хүний хурууны үе болгон холбоостой. Энэ холбоосын гэмтлийг манайхан "хуруу тулна" гэж хэлдэг.

Хажуугийн холбоосын тасралын үед манайхны авч байгаа анхны арга хэмжээ бол холбоос тасарсныг мэдэхгүйгээр шууд татчихдаг. Ингэж татсан тохиолдолд гэмтлийг улам даамжруулна. 

Жишээ нь бөмбөгөнд цохиулаад хуруу нь тулсан тохиолдолд хэзээ ч дур мэдэн хэн нэгнээр татуулж болохгүй. 

Энэ үйлдэл нь нэгдүгээр зэргийн хөнгөн гэмтэл байсан бол хоёр, гуравдугаар зэрэг болгож нэмж гэмтээдэг гэсэн үг. 

Иймд хуруу тулсан үед татах тусламж үзүүлж болохгүй. Зөвхөн эмнэлгийн байгууллагад хандаж, нарийн мэргэжлийн эмчид үзүүлснээр сэргээн засах эсвэл мэс заслын эмчилгээ хийлгэх эсэхээ тогтоолгох ёстой.

Хоёр, гуравдугаар зэргийн гэмтлүүдийн үед мэс заслын эмчилгээ хийдэг.

Нэгдүгээр зэргийн үед тодорхой хэмжээнд физик эмчилгээ, хөдөлгөөн хязгаарлах арга хэмжээ буюу чиг хэрэглэж эдгээнэ. 

Жишээ нь ингэж дарж унасан тохиолдолд эрхий хурууны хажуугийн холбоос гэмтэх эрсдэлтэй.

 

Эх сурвалж: ГССҮТ

• Нэг, хоёрдугаар зэргийн гэмтлийн үед хавдах, улайх, чинэрэх зэрэг шинж тэмдэг илэрдэг.
• Гуравдугаар зэргийн тасралын үед хуруу мултарсан, үеэрээ санжганасан байдалтай хөдөлгөөн үүссэн байдаг.

Нэг, хоёрдугаар зэргийн тасралын үед чиг барьж боох, хөдөлгөөн хязгаарлах арга хэмжээг авахгүй, байнга хөндөөд байгаа тохиолдолд хуруу нь үрэвсэл, өөрчлөлт, хавдартай болно.

Гуравдугаар зэргийн тасралын үед заавал мэс заслын эмчилгээ хийлгэх ёстой. Иймд нарийн мэргэжлийн эмчид үзүүлж анхны тусламж болон зөв эмчилгээ хийлгэх ёстой.

 

Эх сурвалж: ГССҮТ