Японы бэйсболын супер од Отани 2025 онд аав болох гэж байгаагаа зарлав

Умард Америкийн мэргэжлийн бэйсболын Лос-Анжелес Дожерс багийн супер од Шохэй Отани ирэх онд аав болох гэж байгаагаа Бямба гарагт Инстаграм хуудсаараа зарлажээ.

Одоо 30 настай Отани энэ оны эхээр Японы мэргэжлийн сагсан бөмбөгийн тамирчин, 28 настай Мамико Тамакатай гэрлэсэн юм.

“Бяцхан шинэ гишүүнээ удахгүй манай гэр бүлд нэгдэхийг нь тэсэн ядан хүлээж байна!” гэж Отани мэдэгдэлдээ бичсэн байна.

Отани саяхан The Associated Press агентлагийн “Оны Шилдэг Эрэгтэй Тамирчин” өргөмжлөлийг гурав дахь удаагаа хүртсэн юм.

Тэр бас MLB (Major League Baseball) лигийн түүхэнд гаргасан (50 home run, 50 stolen bases) давтагдашгүй амжилтаараа 2024 оны хамгийн үнэ цэнтэй тоглогчийн (MVP) шагналыг хүртээд байгаа.

Түүний гэргий Танака 2019-2023 онд Японы эмэгтэй сагсан бөмбөгийн лигийн “Fujitsu Red Wave” багт тоглож, олон улсын тэмцээн уралдаануудад эх орноо төлөөлөн оролцож байжээ.

Эх сурвалж: Associated Press