Монгол дахь киргиз угсаатнуудад төрөлх хэл, соёлыг нь заах сургууль байгуулах хүсэлт тавьжээ
Киргизийн Кенешийн (парламент) Олон улсын харилцаа, батлан хамгаалах, аюулгүй байдал, цагаачлалын хорооны хуралдаан дээр Бүгд Найрамдах Киргиз Улсаас Монгол Улсад суугаа Элчин сайд Айбек Артыкбаев Жогорку Монгол дахь киргиз угсаатнууд эх хэлээрээ суралцах сургууль Монголд байгуулах хүсэлтэй байгаа талаар ярьсныг 24.kg сайтад мэдээлжээ.
Түүний мэдээлснээр Монголын Баян-Өлгий аймагт 12,000 киргиз угсаатан амьдардаг.
Энэ талаар Айбек Артыкбаев Жогорку "Би ахмадуудтай түүх, соёлын талаар ярилцсан.
Манай иргэд киргиз хэлээр хичээллэдэг сургууль Монголд байгуулах хүсэлтэй байгаагаа уламжилсан. Засгийн газар энэ хүсэлтийг хүлээн авна гэдэгт итгэж байна" гэж ярьжээ.
Киргизийн Элчин сайдын яам өнгөрсөн оны долдугаар сард Улаанбаатар хотод нээгдсэн юм. Эх сурвалжийн мэдээлж байгаагаар өнөөдрийн байдлаар Киргизийн 21 иргэн консулын газарт бүртгэлтэй байна. Мөн Киргизээс 40 орчим иргэн улирлын чанартай ажлаар ирдэг аж.
Эх сурвалж 24.kg
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
