PUBGM: IHC Esports баг энэ оны дэлхийн аварга шалгаруулах тэмцээнд урилгаар оролцох эрх авчээ
PUBG MOBILE тоглоомын Төв болон Өмнөд Ази бүсийн 2024 оны намрын улирлын супер лиг (PMSL CSA) тэмцээн Непал улсад өнгөрсөн есдүгээр сард зохион байгуулагдсан.
Манай улсаас 4Merical Vibes, Falcons Force, IHC Esports, Stalwart Esports, Stronger Esports гэсэн таван баг оролцсон юм. Тус тэмцээний эхний дөрвөн байрт шалгарсан баг PUBG Mobile Global Championship 2024 (PMGC) буюу дэлхийн аварга шалгаруулах тэмцээний эрхийг авах байсан.
Гэвч өнгөрсөн жилийн дэлхийн аварга болох IHC Esports багийн хувьд PMSL CSA тэмцээнийг 13 дугаар байраар өндөрлүүлж, дэлхийн аваргад оролцох эрхээ авч чадаагүй.
Тэгвэл IHC Esports баг PUBG MOBILE тоглоомын энэ жилийн дэлхийн аваргад урилгаар оролцох болсон тухайгаа өөрсдийн албан ёсны цахим хуудсаараа зарлалаа. Мөн цахим спортын "iquipedia.net" дээр манай улсын багийг дэлхийн аваргад оролцох тухай мэдээлэл байршжээ.
Ингэснээр энэ жилийн дэлхийн аваргын хэсгийн шатанд манай улсаас 4Merical Vibes, Falcons Force, IHC Esports, Stalwart Esports гэсэн дөрвөн баг оролцохоор болж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
