Снукер бильярдын зургаан улаантай Дэлхийн Аварга Шалгаруулах Тэмцээн (ДАШТ) болон 15 улаантай Дэлхийн цомын тэмцээн энэ сарын 14-нөөс 25-ныг дуустал Улаанбаатар хотод болж буй юм.
Дэлхийн цомын тэмцээний шөвгийн наймд шалгарсан ДАШТ-ий болон Азийн АШТ-ий хүрэл медальт Б.Нарантуяа Хонконгийн тамирчин И Тин Чуныг 3:0-ээр буулган авч хагас шигшээд шалгарлаа.
Ингэснээр манай тамирчин шөвгийн дөрөвт Хонконгийн Нг Он Итэй өрсөлдөхөөр болов. Энэ жил 33 настай Нг Он И хэсгийн шатанд хамгийн өндөр оноо авсан үзүүлэлтээр чансааны нэгт бичигдсэн билээ. Улмаар Энэтхэгийн тамирчин Амее Каманиг 3:0-ээр буулган авснаар хагас шигшээд шалгарсан юм.
Хагас шигшээгийн тоглолт Улаанбаатарын цагаар 16:00 цагт болно.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!