Хөдөлмөрийн баатар Э.Содномпилжээ паралимпын наадмаас МӨНГӨН МЕДАЛЬ хүртлээ
“Парис-2024” зуны 17 дугаар паралимпын наадмын паурлифтингийн төрлийн тэмцээн боллоо.
Энэ өдөр 107 кг-ын жинд Паралимпын наадмын аварга, дэлхийн аварга, Монгол Улсын хөдөлмөрийн баатар, гавьяат тамирчин Э.Содномпилжээ өрсөлдөж, мөнгөн медаль хүртлээ.
Манай тамирчин эхний оролт 243 кг, хоёр дахь оролтод 248 өргөж, гурав дахь буюу сүүлийн оролтоор 260 кг захиалсан ч амжилтгүй боллоо гэж Монголын Үндэсний Олимпын Хорооноос мэдээллээ.
Хөдөлмөрийн баатар Э.Содномпилжээ нь "Рио 2016" паралимпын наадмаас хүрэл, "Токио 2020" паралимпын наадмаас алтан медаль хүртэж байв. Энэ удаагийн наадмаас мөнгөн медаль хүртсэнээр тэрбээр паралимпын иж бүрэн медальтан болж байгаа юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
