Ш.Батхүү цаг нь болохоор бүгдийг ярина

“Жаст” группийн захирал асан Ш.Батхүү

“Жаст”-ын Ш.Батхүү эрүүл мэндийн шалтгааны улмаас Цагдан хорих төвөөс Клиникийн нэгдсэн төв эмнэлгийн Дотоод шүүрлийн эмгэг судлалын тасагт цаг­даа нарын хяналтад хэв­тэн эмчлүүлж байгаа билээ.

Түүнийг гадны хүнтэй бо­лон ар гэрийнхэнтэй нь уул­­­зуулахгүй байгаа гэх мэ­дээлэл цацагдаж байсан ч түүнтэй ар гэрийнхэн нь чөлөөтэй уулзаж байгаа гэж эх сурвалж мэдээлж байв.

Ш.Батхүүг хуурамч га­рын үсэг бүрдүүлж Өмнөд Африкийн “Стандарт” банк­наас их хэмжээний мөнгө завшиж, “Эрдэнэт” үйлд­­вэрийг хохироосон гэх хэр­гээр буруутгаж байгаа юм. 

Хамгийн гол нь тэрбээр энэ хэргийг ганцаараа хий­гээ­гүй бөгөөд цаа­на нь улстөрийн томоохон эрх мэдэлтэй хүмүүс байгаа төдийгүй Ш.Батхүүг зөвхөн гар, хөлөө болгосон гэх хард­лага, сэрдлэг ч байгаа юм. Харин Ш.Батхүүгийн хувьд “Одоохондоо юм ярих­­гүй ээ. Тэгж байгаад цаг нь боло­хоор би өөрөө дэл­гэрэн­гүй мэдээлэл өгнө” гэж ярьсан хэмээн зарим эх сур­валжууд хэлж байсан.

Тэгвэл хэргийг шалгаж байгаа мөрдөн байцаагчаас зөвшөөрөл авч хэн нэгэн уулзах боломжтой байгаа аж. Өөрөөр хэлбэл гурван цаг­­даагаар харгалзуулж бай­гаа Ш.Батхүү хорих ан­гид үйлчилдэг бусад дү­рэм, журмаар эмнэлэгт хэв­­тэн эмчлүүлж байгаа ч хэн нэгэн хүсвэл түүнтэй уул­­заж болох гэнэ. 

Ямартай ч одоогоор түүн дээр зөвхөн ар гэ­­рийн­­­хэн нь эргэлтээр очиж бай­гаа аж. Харин зарим эх сурвалжууд түүний хэрэгт холбоотой гэх нөлөө бүхий улстөрчид түүнээс зайгаа барьж хамаг л байдаг хэргээ үүрүүлэх сонирхолтой байгаа юм билээ. 

Ямартай ч энэ удаа Ш.Батхүү хэргээ задалж маш олон хүнийг хөлдөө чи­рэх нь ойлгомжтой боллоо гэж зарим нэг улстөрчид хэлж байсан. Ер нь Ш.Батхүүг өнгөрсөн хугацаанд ийнхүү чимээгүй байсныг нь хү­мүүс янз бүрээр ойлгон ярьж байсан.

Түүнчлэн хэ­рэгт хамааралтай хүмүүс түү­нийг ятгасан гэж үзэж бай­гаа бол нөгөө хэ­сэг нь Ш.Батхүүг хэргээ ган­цаараа үүрч, харин ч цагаатгах ажилд нь “бид гар бие орол­цоно” хэмээн хэл­­­сэн байх гэж таамаг дэв­шүүлцгээж байв.

Үнэхээр Ш.Батхүү хэр­гээ задалж, үнэн мөнийг илчлэх аваас нэлээн том шуугиан дэгдэх нь ойлгомжтой.