Америкийн рэппер Снүүп Дог олимпын бамбарын буухиаг дамжуулна
Баасан гарагт эхлэх Парисын Зуны олимпын наадмын бамбарын буухиаг сүүлчийн шатанд үргэлжлүүлэх хүмүүсийн нэгээр Америкийн рэппер Снүүп Дог тодорчээ.
52 настай уран бүтээлч олимпын нээлтийн арга хэмжээ зохион байгуулагдах стадион оршдог Парисын хойд Сэн-Дени дүүргийн гудамжаар Баасан гарагт бамбарыг барьж гүйх юм байна.
Сэн-Денигийн гүйлт нь Эйфелийн цамхгийн дэргэд өндөрлөх бамбарын буухианы сүүлчийн шат юм.
Олимпын бамбар тавдугаар сараас Франц орон даяар аялж эхэлсэн бөгөөд хөлбөмбөгийн Арсенал клубийн менежэр асан Арсен Венгер, Formula One авто уралдааны тамирчин Чарльз Леклерк, жүжигчин Холли Берри зэрэг алдартнууд буухианд оролцож байжээ.
Жинхэнэ нэр нь Кэлвин Кордозар Бродус Жюньор болох Снүүп Дог 2028 оны зуны олимпын наадмыг зохион байгуулах Лос-Анжелес хотын уугуул юм.
Түүнтэй цуг бамбарын буухианы сүүлчийн шатанд Францын жүжигчин Летициа Каста, рэппер MC Solaar нар гүйх юм байна.
Эх сурвалж: BBC
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
15 СЭТГЭГДЭЛТЭЙ
|
