• 10 сарын 30, Лхагва
|
Уншиж байна ...
ХУУЧИРСАН МЭДЭЭ: 2024/07/18-НД НИЙТЛЭГДСЭН

Ерөнхийлөгчийн дүү, УИХ-ын гишүүн У.Отгонбаярын охин О.Хүслэн олимпод оролцох тамирчдаас хамгийн залуу нь

Э.Тэмүүлэн, iKon.mn
2024 оны 7 сарын 18
IKON.MN
Зураг зураг

"Парис 2024" олимпын наадам энэ сарын 26-нд нээлтээ хийнэ. Манай улсаас энэ удаагийн олимпод есөн спортын төрөлд 33 тамирчнаа оролцуулахаар болсон билээ.

Тодруулбал жүдогийн төрөлд 10, бөхийн төрлүүдээр ес, буудлага, марафон гүйлтээр тус бүр гурав, бокс, усанд сэлэлт, дугуйн төрлөөр тус бүр хоёр, байт харваа, хүндийг өргөлтөөр тус бүр нэг тамирчин эх орноо төлөөлнө.

Энэ удаагийн олимпын Монголын багийн хамгийн ахмад тамирчин бол марафонч Б.Сэр-Од юм. Зургаа дахь олимпдоо хурд сорихоор бэлтгэлээ базааж буй Б.Сэр-Од гавьяат ирэх аравдугаар сард 43 нас хүрнэ. 

Хамгийн ахмад тамирчин

  • Марафонч Бат-Очирын Сэр-Од - 1981 оны аравдугаар сарын 7
  • Буудлагын тамирчин Энхтайваны Даваахүү - 1989 оны зургадугаар сарын 12
  • Марафонч Галбадрахын Хишигсайхан - 1990 оны наймдугаар сарын 28  

Хамгийн залуу тамирчин

  • Жүдоч Отгонбаярын Хүслэн - 2004 оны аравдугаар сарын 26
  • Усанд сэлэлт Батбаярын Энхтамир - 2004 оны есдүгээр сарын 27
  • Усанд сэлэлт Батбаярын Энххүслэн - 2001 оны арванхоёрдугаар сарын 14   

Харин хамгийн залуу тамирчин нь 19 настай жүдоч О.Хүслэн. Ерөнхийлөгч У.Хүрэлсүхийн төрсөн дүү болох УИХ-ын гишүүн У.Отгонбаярын хоёр дахь охин О.Хүслэн ээж талаасаа бөхийн удамтай. 

Тухайлбал У.Отгонбаярын эхнэр нь дархан аварга Н.Батсуурийн үеэл, түүний өвөө нь Улсын начин Ж.Гэлэг бөгөөд аав нь улсын начин Г.Даваасамбуу юм.

МОНГОЛЫН БАГИЙН БҮРЭЛДЭХҮҮН (33):

БАЙТ ХАРВАА (1)

  • Эрэгтэй: Баатархуягийн Отгонболд

БУУДЛАГА (3)

  • Эрэгтэй: Нянтайн Баяраа (50 метрийн гурван байрлал)
  • Эрэгтэй: Энхтайваны Даваахүү (10 метрийн хийн гар буу)
  • Эмэгтэй: Оюунбатын Есүгэн (50 метрийн гурван байрлал) 

БОКС (2)

  • Эмэгтэй 50 кг: Оюунцэцэгийн Есүгэн
  • Эмэгтэй 54 кг: Мөнгөнцэцэгийн Энхжаргал

ДУГУЙ (2)

  • Батсайханы Тэгшбаяр
  • Сайнбаярын Жамбалжамц

ЖҮДО (10)

  • Эмэгтэй 48 кг: Бавуудоржийн Баасанхүү
  • Эмэгтэй 52 кг: Лхагвасүрэнгийн Сосорбарам
  • Эмэгтэй 57 кг: Лхагватогоогийн Энхрийлэн
  • Эмэгтэй -78 кг: Отгонбаярын Хүслэн
  • Эмэгтэй +78 кг: Амарсайханы Адъяасүрэн
  • Эрэгтэй 60 кг: Энхтайваны Ариунболд
  • Эрэгтэй 66 кг: Ёндонпэрэнлэйн Басхүү
  • Эрэгтэй 73 кг: Батзаяагийн Эрдэнэбаяр
  • Эрэгтэй -100 кг: Батхуягийн Гончигсүрэн   
  • Эрэгтэй +100 кг: Одхүүгийн Цэцэнцэнгэл

МАРАФОН (3)

  • Галбадрахын Хишигсайхан
  • Баярцогтын Мөнхзаяа
  • Бат-Очирын Сэр-Од

ХҮНДИЙГ ӨРГӨЛТ (1)

  • Эмэгтэй 81 кг: Мөнхжанцангийн Анхцэцэг 

ЧӨЛӨӨТ БӨХ (9)

  • Эрэгтэй 65 кг: Төмөр-Очирын Тулга
  • Эрэгтэй 86 кг: Бямбасүрэнгийн Бат-Эрдэнэ
  • Эрэгтэй 125 кг: Мөнхтөрийн Лхагвагэрэл
  • Эмэгтэй 50 кг: Долгоржавын Отгонжаргал
  • Эмэгтэй 53 кг: Батхуягийн Хулан
  • Эмэгтэй 57 кг: Болдсайханы Хонгорзул
  • Эмэгтэй 62 кг: Пүрэвдоржийн Орхон
  • Эмэгтэй 68 кг: Энхсайханы Дэлгэрмаа
  • Эмэгтэй 76 кг: Энх-Амарын Даваанасан

УСАНД СЭЛЭЛТ (2)

  • Эрэгтэй: Батбаярын Энхтамир
  • Эмэгтэй: Батбаярын Энххүслэн