Улаанбаатар-Прага чиглэлийн анхны шууд нислэгээр 234 хүн зорчжээ
Улаанбаатар-Прага-Улаанбаатар чиглэлийн анхны шууд нислэгийг хүлээн авах ёслол 2024 оны долдугаар сарын 10-ны өдөр “Вацлав Хавел” олон улсын нисэх онгоцны буудалд болжээ.
Анхны нислэгээр Чех улсад оршин суугаа манай улсын иргэдээс гадна Австри, Их Британи, Франц зэрэг улсаас дамжин нисэж буй иргэд цөөнгүй байсан байна.
Улаанбаатар-Прага чиглэлийн анхны шууд нислэгээр 81 зорчигч явсан бол Прага хотоос 153 зорчигч эх орондоо иржээ.
Агаарын харилцааны тухай Монгол Улс, Бүгд Найрамдах Чех Улсын Засгийн газар хоорондын хэлэлцээрийн хүрээнд “Изинис Эйрвэйз” компани шууд нислэг үйлдэх юм байна.
Эх сурвалж: Чех улс дахь Монголын ЭСЯ
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
