Уншиж байна ...

ПАРИС 2024: Орли нисэх онгоцны буудал руу хүргэх метроны шугамыг нээлээ

Э.Тэмүүлэн, iKon.mn
2024 оны 6 сарын 25
IKON.MN
Зураг зураг

Францын Парис хотын хойд хэсэгт орших Сэйнт-Денис дүүргийг Орли нисэх онгоцны буудалтай холбосон метроны 14 дүгээр шугамыг ашиглалтад оруулахад бэлэн болжээ. Нээлтийн арга хэмжээнд тус улсын ерөнхийлөгч Эмманэуль Макрон оролцсон юм. 

Нийт 28 км үргэлжлэх, найман буудалтай шинэ метроны шугамаар 2025 оны дундуур гэхэд нэг сая зорчигч тээвэрлэнэ гэж тооцжээ. Орли нисэх онгоцны буудлаас хотын төв ороход 25 минут зарцуулна.

Парисын олимпын үеэр метроны үнэ хэвийн үеийнхээс хоёр дахин өсөхөөр болсон билээ. Тодруулбал одоогоор 2.10 еврогоор зарагдаж буй тасалбарын үнэ олимпын үеэр дөрвөн евро болж нэмэгдэнэ.  

Уг шугам Парис хотыг тойрсон шинэ метроны сүлжээний эхнийх нь юм. Цаашлаад 2030 он хүртэл 68 буудал нэмж барихаар төлөвлөжээ. Францчууд 15 дахь шугамыг 2025 оны төгсгөлд ашиглалтад оруулахаар ажиллаж байна. 

 

Эх сурвалж: Inside The Games