Замын-Үүд, Эрээн боомтын ачаа тээврийн хэсэг 24 цагаар ажилласнаас хойш 1,487 автомашин нэвтэрчээ
Замын-Үүд, Эрээний авто замын боомтын ачаа тээврийн хэсэг энэ сарын 1-нээс 24 цагаар ажилладаг болоод буй.
Уг өөрчлөлт эхэлснээс хойш гурав хоногийн хугацаанд гарах чиглэлд 721, орох чиглэлд 766 автомашин нэвтэрсэн хэмээн Дорноговь аймаг дахь Хилийн боомтын захиргааны дарга Б.Баярням мэдээллээ.
18:00 цагаас хойш буюу шөнийн цагаар ажилласан дээрх хугацаанд Замын-Үүд авто замын боомтоор нийт 1,487 автомашин нэвтэрчээ.
Тус хилийн боомт 24 цагийн горимд шилжсэнээр ачаалалтай оргил үед том оврын автомашины дараалал багасах ач холбогдолтойгоос гадна тээвэрчдийн цагийг хэмнэх, буудал хоол, тээврийн хэрэгслийн хоногийн хураамж зэрэг зардал буурах, бараа бүтээгдэхүүний үнэ тогтворжиход чухал нөлөө үзүүлнэ гэж үзжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
7 СЭТГЭГДЭЛТЭЙ
|
