Уншиж байна ...

ХЗДХЯ-ны Төрийн нарийн бичгийн даргаар Н.Мягмарыг томиллоо

Г.Мөрөн, iKon.mn
2024 оны 4 сарын 3
iKon.MN
Зураг зураг

Засгийн газрын 2024 оны дөрөвдүгээр сарын 3-ны өдрийн хуралдаанаар Хууль Зүй, Дотоод Хэргийн Яам(ХЗДХЯ)-ны Төрийн нарийн бичгийн даргаар хуульч Н.Мягмарыг томиллоо.

Тэрбээр Монгол Улсын Их Сургууль(МУИС)-ийн Хууль зүйн сургууль, Америкийн их сургуулийн Вашингтоны хууль зүйн коллежийг төгссөн. Эрх зүйч мэргэжилтэй. Хууль зүйн ухааны магистр зэрэгтэй. 

Ажлын туршлага

  • 1999-2006 онд МУИС-ийн Хууль зүйн сургуулийн Төр, захиргааны эрх зүйн тэнхимд багшаар,
  • 2006-2009 онд ХЗДХЯ-ны ахлах мэргэжилтэн, газрын даргаар,
  • 2009-2010 онд Хууль зүйн үндэсний хүрээлэнгийн захирлаар,
  • 2010-2012 онд “Монголын хөлөг онгоцны бүртгэл” ХХК-ийн Захиргааны менежерээр,
  • 2012-2014 онд ХЗДХЯ-ны Төрийн захиргаа, удирдлагын газрын даргаар,
  • 2014-2016 онд Монгол Улсаас АНУ-ын Сан Франциско хотод суугаа Ерөнхий консулын газарт консулаар,
  • 2017-2018 онд Азийн хөгжлийн банкны төслийн Төсөл хэрэгжүүлэх нэгжийн менежерээр,
  • 2018-2023 онд ЗГХЭГ-ын Хууль, эрх зүйн газрын даргаар,
  • 2023 оноос УИХ-ын Тамгын газрын Хууль, эрх зүйн газрын даргаар тус тус ажиллаж байсан.

Н.Мягмар нь улсад 24 жил үүнээс төрийн захиргааны албанд 16 жил ажилласан туршлагатай гэж ХЗДХЯ-наас мэдээлэв.