Д.Довчинжамц: Шил зүүсэн ч хараа нэмж муудаад байвал лазер мэс засал буюу ХАРАА ТЭГЛҮҮЛЭХГҮЙ байхыг зөвлөдөг
Глауком өвчин буюу харааны мэдрэлд үүсдэг өвөрмөц эмгэг, болор цайх өвчин болон ямар тохиолдолд хараагаа тэглүүлж болохгүй вэ? зэрэг сэдвийн хүрээнд Нүд судлалын мэргэжлийн салбар зөвлөлөөс мэдээлэл хүргэлээ.
Хүүхдүүдийг зургаан сард нэг удаа нүдний эмчид үзүүлэхийг зөвлөж байна. Хэрвээ шил зүүлгэх шаардлагатай бол эмчид үзүүлээд шилээ дахин тохируулаад явах хэрэгтэй.
Харааны шилээ тогтмол зүүхгүйгээс үүдэн “залхуу нүд” үүсдэг. Өөрөөр хэлбэл эрүүл боловч харах үйл ажиллагаагүй нүд болж хувирдаг учраас мэргэжлийн эмчид үзүүлж, харааны шилийг тогтмол сайтар зүүлгэж байх нь чухал гэдгийг Улсын Нэгдүгээр Төв Эмнэлгийн Нүд судлалын тасгийн эмч С.Энхтуул зөвлөлөө.
Хараа тэглүүлэх тухайд АШУҮИС-ийн Нүд судлалын тэнхимийн багш, нүдний эмч Д.Довчинжамцын хүргэсэн зөвлөгөөг танилцуулж байна.
Хараа тэглүүлэх тухайд АШУҮИС-ийн Нүд судлалын тэнхимийн багш, анагаах ухааны доктор Д.Уранчимэг дараах зөвлөгөөг нэмж өгөв.
40-өөс дээш насанд ойрын хараа мууддагтай холбоотойгоор ХАРААГАА ТЭГЛҮҮЛЭХИЙГ ЗӨВЛӨДӨГГҮЙ.
Тухайн хүний ажил мэргэжлийн онцлогтой холбоотой шил зүүлгэхгүй байх зорилгоор л хараа тэглэх хагалгааг хийж байгаа шүү дээ.
Харин 40-өөс дээш насанд тухайн хүний ойрын хараа мууддаг учраас мэргэжлийн эмчээс зөвлөгөө авч, заалт гарсан тохиолдолд энэ төрлийн хагалгааг хийлгээрэй гэж зөвлөе.
Мөн "Олон удаагийн судалгаанаас харахад монгол хүний нүдний дотоод даралтын хэмжээ 17-оос дээш гарсан байвал эрсдэлтэй гэж үздэг. Тиймээс жилд дор хаяж нэгээс доошгүй удаа нүдний дотоод даралтыг үзүүлэх шаардлагатай.
Нүдний дотоод даралт анхдагч хэлбэрээр тохиолдохоос гадна гэмтэл, нүдний болор цайх өвчин, нүдний янз бүрийн үрэвсэлт өвчнүүд бий.
Түүнээс гадна төрөлхийн глауком өвчин гэж байдаг. Энэ нь 0-5 настай хүүхдүүдэд тохиолддог. Хоёр нүд нь өөр болох гол шинж тэмдэг илэрнэ.
Хүүхдийн нүдний бүрхүүл маш нимгэн байдаг. Тийм учраас хэмжээгээр томорч эхэлдэг. Түүнээс гадна нүдний эвэрлэг бүрхүүл гэж нэрлээд байгаа тунгалаг бараан хэсэг томрох, эсвэл эвэрлэг нь бүдгэрэх, хүүхэд шөнөөр их уйлах шинж тэмдгүүд ажиглагдана" хэмээн АШУҮИС-ийн Нүд судлалын тэнхимийн багш, анагаах ухааны доктор Д.Уранчимэг хэллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
