"Өнгөрсөн хоёр жилийн хугацаанд 41 орчим сая модыг тарьж, 60 гаруй сая тарьц суулгацын нөөцтэй болсон"
Байгаль Орчин, Аялал Жуулчлалын Яам /БОАЖЯ/-аас цаг үеийн асуудлаар өнөөдөр мэдээлэл хийлээ.
2024 оныг "Ойн жил" болгон зарлажээ. Мөн энэ онд ойн салбарын 100 жил тохиож байгаа аж.
Иймд Ойн салбарын II чуулганыг “ОЙ 9+” уриан дор 2024 оны гуравдугаар сарын 5-ны өдөр зохион байгуулаар болжээ. Чуулганаар хоёр жил хэрэгжээд буй "Тэрбум мод" үндэсний хөдөлгөөний хүрээнд юу хийсэн, цаашид хэрхэн ажиллах талаараа ярилцах юм байна.
Ойн Газрын дарга Б.Оюунсанаа "Ой бол хэдэн 10, 100 жилээр нь төлөвлөдөг урт хугацааны ажил. Өнгөрсөн хоёр жилийн хугацаанд 41 орчим сая модыг тарьж, 60 гаруй сая тарьц суулгацын нөөцтэй боллоо.
Сүүлийн жилүүдэд ган, зуд ихсэж байгаа учир ой руу чиглэсэн ажлуудыг зайлшгүй хийх шаардлагатай. Шинээр мод тарихаас гадна байгаа модоо арчлах асуудал чухал байна" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
