Галт зэвсгээ бүртгүүлж, шинээр гэрчилгээ авах иргэн ямар материал бүрдүүлэх вэ?

Гэрэл зургийг MPA агентлагийн онцгой зөвшөөрөлтэйгөөр ашиглав

Галт зэвсгийн тухай хуулийн дагуу иргэний зориулалттай галт зэвсэг худалдаж авсан, улсын хилээр оруулсан иргэн ажлын арван өдрийн дотор галт зэвсгээ байнга оршин суугаа газрын нутаг дэвсгэр хариуцсан цагдаагийн байгууллагад бүртгүүлэх ёстой.

Ингэж бүртгүүлэхийн тулд ямар баримт бичиг бүрдүүлэх шаардлагатайг Цагдаагийн Ерөнхий Газар(ЦЕГ)-ын Бүртгэл, хяналтын төвөөс танилцуулав.

Тодруулбал 

• Галт зэвсгийн гэрчилгээ олгохыг хүссэн өргөдөл
• 2х3 хэмжээний зураг гурван хувь
• Иргэний үнэмлэхний хуулбал эсвэл лавлагаа
• Оршин суугаа газрын тодорхойлолт эсвэл лавлагаа
• Эх сурвалжийн бичиг
• Галт зэвсэг ашиглахад харшлах өвчин, гэмтэл согоггүйг тодорхойлсон эрүүл мэндийн хуудас
• Галт зэвсэг эзэмших, ашиглах, хадгалах аюулгүй ажиллагааны сургалтад хамрагдсан гэрчилгээний хуулбар
• Шүүхийн шинжилгээний үндэсний хүрээлэнгийн тодорхойлолт (Даваа гарагт 14:00-16:00; Пүрэв гарагт 10:00-12:00 цагт галт зэвсгийг хоёр ширхэг сум, иргэний үнэмлэхний хамт авч очно)
• Гэрчилгээний үнэ 4,800 төгрөг тушаасан баримт (Төрийн сан 100900012038 тоот данс. Хүлээн авагч нь ЦЕГ-ын Санхүү, аж ахуйн алба)
• Тэмдэгтийн хураамж 10,000 төгрөг тушаасан баримт ( itax.mta.mn цахим хаягаар эсвэл Чингэлтэй дүүргийн татварын хэлтэст очин код авч, дурын банканд тушаана) зэрэг байна. 

Эх сурвалж: ЦЕГ-ын Бүртгэл, хяналтын төв