БНСУ-ын Сөүл хотын захирагчийн албанаас сайн дурын 40 гишүүнийг манай улс руу илгээжээ
“Сөүл хотын залуучуудын сайн дурын хөтөлбөр”-ийн нээлтийн үйл ажиллагаа өнөөдөр "Continental" зочид буудалд зохион байгуулагдлаа.
БНСУ-ын Сөүл хотын захирагчийн албанаас томилогдсон 40 сайн дурын гишүүн, Монгол Улсад гурван сарын хугацаанд ажиллана.
Тус албанаас залуучуудад олон улсын хөгжлийн хамтын ажиллагааны төслүүдэд оролцох боломжийг өргөжүүлэх, сайн дурын ажлаар дамжуулан гадаад хамтын ажиллагааны чадавхыг бэхжүүлэх зорилгоор хийгдэж байна.
Төслийн Монгол дахь менежер Г.Шинэтулга хэлэхдээ "Монголд эхлүүлж буй сайн дурын үйл ажиллагааг Ерөнхий Боловсролын хоёр сургууль болон их, дээд сургуулийн оюутан, сурагчидтай хамтран зохион байгуулна.
Цаашид дэлхийн өнцөг булан бүрд хүрч ажиллах нь бидний зорилго.
Монголд ажиллах гурван сарын хугацаанд оюутан, сурагчидтай хамтарч ажиллаж, судалгаа хийж сурах бичгээ гаргана" хэмээв.
Нэгдүгээр ээлжид Сөүлийн 40 сайн дурын гишүүн Улаанбаатар хотын
- Хан-Уул дүүргийн 60 дугаар сургууль
- Монголын Үндэсний Их Сургууль (МҮИС)
- Mongolia International University (MIU)
- Лаборатори 23 дугаар сургууль
- Чингэлтэй дүүргийн Боловсролын хэлтэс зэрэг таван байгууллагын оюутан, сурагчидтай хамтран ажиллана.
Мөн “Лантуун Дохио” ТББ-тай хамтран хүүхэд хамгааллын чиглэлээр Ид шидийн орон 1, 2 дугаар салбар дээр сайн дурын ажлыг зохион байгуулах, монгол сайн дурын гишүүдтэй хамтран туршлага солилцох өдөрлөг зохион байгуулах төлөвлөгөөтэй байгааг тэрбээр нэмж хэллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
17 СЭТГЭГДЭЛТЭЙ
|
