"Чингис хаан үндэсний музей Баасан гарагт ажиллахгүй"
Чингис хаан музей нь өвлийн цагийн хуваарьт шилжиж буйтай холбоотой дотоод ажилтай тул 2023 оны есдүгээр сарын 15-ны Баасан гарагт олон нийтэд үйлчлэхгүй болохыг мэдэгдлээ.
Харин есдүгээр сарын 15-ныг хүртэл музей 09:00-20:00, тасалбарын касс нь 19:00 цаг хүртэл ажиллах юм байна.
Чингис хаан үндэсний музей нь 22,500 м.кв талбайтай, олон улсын стандартад нийцсэн орчин үеийн шийдэл бүхий есөн давхар барилгатай.
1-8 давхартаа үзүүллэгийн нийт 10,200 м.кв талбай бүхий монголын анхны төрт улсууд, Монголын Их Эзэнт Улс, түүний бүрэлдэхүүний улсууд, XV-ХХ зууны үеийн Монголын хаад язгууртнууд, Дэлхий дахин ба Монголчууд, Их хааны хүндэтгэлийн өргөө зэрэг байнгын үзүүллэгийн нийт 6 танхим, түр үзэсгэлэнгийн хоёр танхимтай.
Есдүгээр давхартаа Чингис их хааны ёслол хүндэтгэлийн өргөөтэйгөөр 2022 оны аравдугаар сарын 11-нд нээгдэж байв.
Музей 0-16 насны хүүхдэд үнэгүй үйлчилдэг билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
