"Сэргээн засах эмчилгээ нь багийн тусламж үйлчилгээ байдаг. Хамгийн гол суурь нь хөдөлгөөн, хөдөлмөр, хэл засал, хоол зүйч, сэтгэл зүйч, физик эмчилгээ"

Гэрэл зургийг MPA агентлагийн онцгой зөвшөөрөлтэйгөөр ашиглав

Интермед эмнэлгийн сэргээн засах төв энэ сарын 12-нд "MUNKH TOWER"-ийн хоёр давхарт нээлтээ хийлээ. 

Тус төв нь олон улсын стандартын дагуу орчин үеийн сэргээн засах тусламж үйлчилгээг амбулаторийн чиглэлээр үзүүлэх аж. Сэргээн засах эмчийн үзлэг, оношилгоо хийж зөвлөгөө өгч, сүүлийн үеийн дэвшилтэт технологиор хийгдсэн аппарат, тоног төхөөрөмж ашиглан нэг дор бүрэн үйлчилгээ авах боломжийг бүрдүүлжээ.

Тусламж үйлчилгээний чиглэлийн хувьд:

1. Бүх төрлийн гэмтэл бэртлийн сэргээн засах эмчилгээ /спортын гэмтлүүд/
2. Мэдрэлийн гаралтай эмгэгүүдийн сэргээн засах эмчилгээ /захын мэдрэл, хүзүү нурууны өвдөлт, харвалтын үлдэц/
3. Яс, булчин, үе, холбоосын эмгэгийн сэргээн засах /контрактур, артрит, артроз, тендинит/
4. Мэс заслын өмнөх ба дараах сэргээн засах эмчилгээ /түнх, өвдөгний үе солих, мөр, гар сарвуу, доод мөчийн мэс ажилбарууд, хүзүү, нурууны хагалгаа, эмэгтэйчүүдийн мэс заслууд/
5. Эмэгтэйчүүдийн сэргээн засах /төрсний дараах, цэвэршилт, шээс задгайрал/
6. Эрэгтэйчүүдийн сэргээн засах /түрүү булчирхайн хагалгааны дараа, 45+/
7. Нойргүйдэл
8. Дээд доод мөчийн лимф дренаж

Мөн амьдралын чанарыг дээшлүүлэх, нийгмийн оролцоог сайжруулах, сэтгэл зүй болон хоол зүйн зөвлөгөө өгөх, эрүүл мэндийн боловсрол олгох гэсэн багийн сэргээн засах тусламж үйлчилгээг үзүүлж буйгаараа онцлог.

Мөн амьдралын чанарыг дээшлүүлэх, нийгмийн оролцоог сайжруулах, сэтгэл зүй болон хоол зүйн зөвлөгөө өгөх, эрүүл мэндийн боловсрол олгох гэсэн багийн сэргээн засах тусламж үйлчилгээг үзүүлэх юм.

Физик эмчилгээний чиглэлээр: 

1. Долгионы эмчилгээ /SHORT WAVE, MICROWAVE/
2. Ультра дууны эмчилгээ/ULTRASOUND/
3. Цахилгаан гүйдлийн эмчилгээ/ TENS, ICT, PHENIX/
4. Дулааны эмчилгээ/ HOT PACK, MEDICAL WARMER/
5. Гэрлийн эмчилгээ/ INFRA RED, LASER/
6. Өндөр эрчимт цахилгаан соронзон орны эмчилгээ/ EMSELLA, EMSCULPT, SIS/
7. Alpha долгионы /ALPHA STIM/ гэсэн тоног төхөөрөмжөөр сэргээн засах эмчилгээг чанарын өндөр түвшинд хийж үйлчлэхээр бэлэн болсон байна. 

Сэргээн засах төвийн бас нэгэн онцлогоос дурдвал эмнэлгийн тоног төхөөрөмжийн BTL компанид үйлдвэрлэсэн шинэ технологийн тоног төхөөрөмжийг үйлдвэрлэгчээс албан ёсны эрхтэйгээр авч үйлчилгээндээ ашиглаж байна.

Эрүүл мэндийг дэмжих чиглэлээр:

EMSELLA нь өндөр эрчимт төвлөрсөн цахилгаан соронзон долгионы үйлчлэлээр аарцаг ёроолын булчингийн үйл ажиллагааг сайжруулах, сэргээх, шээс задгайрлын шинэлэг эмчилгээний аппарат юм.

EMSCULPT нь өндөр эрчимт төвлөрсөн цахилгаан соронзон долгионы үйлчлэлээр булчингийн массыг нэмэгдүүлж өөхийг шатааж биеийг галбиржуулах үйлчилгээтэй инвазив бус эмчилгээний аппарат юм.

SUPER INDUCTIVE SYSTEM нь мэдрэл булчингийн хурц болон архаг өвдөлт намдаах, булчин суллах, булчин чангалах, ясны бороожилт, эд эсийн нөхөн төлжилт сайжруулах, цусан хангамж нэмэгдүүлэх, үений мобилизаци хийх үйлчилгээтэй.

"ЭРүүл байх гэдэг нь БИЕ Бялдар төдийгүй сэтгэл зүй, оюун санааны хувьд Эрүүл БАЙХ  тухай ойлголт юм "

 

Гэрэл зургийг MPA агентлагийн онцгой зөвшөөрөлтэйгөөр ашиглав

Тус сэргээн засах төвийн онцлогийн талаар Интермед эмнэлгийн Эмчилгээ эрхэлсэн захирал А.Саранбаатар "Дэлхийн Эрүүл мэндийн байгууллагаас “Сэргээн засах 2030" хөтөлбөрийг 2017 онд зарласан бөгөөд улс орнуудыг сэргээн засах үйлчилгээг дэмжин хөгжүүлэхийг уриалсан байна.

Манай улсын хувьд сэргээн засах тусламж үйлчилгээг хөгжүүлэх таван жилийн төлөвлөгөөг 2022 онд Эрүүл мэндийн сайдын тушаалаар баталсан байдаг. Интермед эмнэлгийн үйлчлүүлэгчид болон Монгол Улсын өвчлөл, хөдөлмөрийн чадвар алдалтын тоо мэдээнд үндэслэн сэргээн засах эмчилгээний хэсгийг өргөжүүлэх нь зайлшгүй хэрэгцээтэй үйлчилгээ гэж үзэн энэ төслийг хэрэгжүүлж байна. 

Тус төвд АНУ-ын хүнс эмийн хороогоор баталгаажсан, өндөр давтамжтай цахилгаан соронзон долгионыг ашиглан хүний эрүүл байдлыг тэтгэх BTL компанийн тоног төхөөрөмжийг тусламж үйлчилгээндээ нэвтрүүллээ.

Цаашид сэргээн засах  чиглэлийг илүү төрөлжүүлэн хөгжүүлж жишиг болохуйц түвшинд хүргэх болно" гэж ярилаа.

"Сэргээн засах эмчилгээ нь багийн тусламж үйлчилгээ байдаг. Хамгийн гол суурь нь хөдөлгөөн засал, хөдөлмөр засал, хэл засал, хоол зүйч, сэтгэл зүйч, физик эмчилгээ"

 

Гэрэл зургийг MPA агентлагийн онцгой зөвшөөрөлтэйгөөр ашиглав

Мөн сэргээн засах эмчилгээ, үйлчилгээний талаар Интермед эмнэлгийн Сэргээн засах эмчилгээний эмч М.Цэрэндолгор "Интермед эмнэлгийн сэргээн засах эмчилгээ өргөжин төв болж нээлтээ хийж байна. Сэргээн засах тусламж үйлчилгээ шаардлагагүй өвчин эмгэг гэж байхгүй. Хүн өвдсөн үедээ төдийгүй эрүүл байхдаа ч сэргээн засах тусламж үйлчилгээ хэрэгцээтэй байдаг. Сэргээн засах эмчилгээ нь хүний биеийн үйл ажиллагааны түвшнийг үнэлж, чадвар алдалтыг эрүүл үеийн түвшинд хүргэх, эмчлэх, дэмжих, урьдчилан сэргийлэх зорилготой шинжлэх ухаан юм.

ФОТО: