ЧАНАР 136
ЧАНАР 230
ЧАНАР 248
ЧАНАР
ЧАНАР 155
ЧАНАР 268
ЧАНАР 97
ЧАНАР 93
ЧАНАР 159
ЧАНАР 144
ЧАНАР 120
ЧАНАР 210
ЧАНАР 226
ЧАНАР 252
ЧАНАР 56
ЧАНАР 195
ЧАНАР 194
ЧАНАР 148
ЧАНАР 213
"Томуу төст өвчин харьцангуй буурч байгаа ч салхин цэцэг өвчний дэгдэлт нэмэгдэж байна"
Улсын хэмжээнд хийгдэж буй дархлаажуулалт болон коронавируст халдварын талаар холбогдох албаны эх сурвалжуудаас тодрууллаа.
Дархлаажуулалтын талаар ХӨСҮТ-ийн Дархлаажуулалтын албаны эмч В.Байгаль "Одоогоор томуу, томуу төст өвчний дэгдэлт харьцангуй буурч байна. Гадуур салхин цэцэг өвчний дэгдэлт их байна. Манай улсад энэ төрлийн өвчний эсрэг вакцин байхгүй.
Ханиад, томуугийн эсрэг вакциныг улирал угтуулаад арав болон арваннэгдүгээр сард хийдэг. Томуугийн вакцинжуулалтад хамрагдаж амжаагүй бол хийлгэх боломжтой. Мөн коронавирусийн эсрэг хүүхдийн вакцинжуулалтыг хийж байна" гэлээ.
Салхин цэцэг өвчний үед гардаг тууралт:
Улаанбурхан, салхин цэцэг, улаан эсэргэнэ зэрэг халдварт өвчний үед тууралт гарах бөгөөд вирусийн халдвараар өвчин үүссэн тул халуурах шинж тэмдэг ажиглагдана. Гэхдээ халуун нь заавал өндөр байх албагүй. Ихэнх халдварт өвчний үед эхлээд халуурч байгаад тууралт гардаг.
Харшлын гаралтай тууралтууд тухайн харшил өгсөн эд зүйлсээс холдуулахад аяндаа арилдаг бол халдварт өвчний тууралт арилахгүй бөгөөд халуурдаг.
Энэ оны эхний гурван сард КОВИД-19 халдварын 1,161 тохиолдол бүртгэгджээ
Коронавируст халдварын талаар Эрүүл Мэндийн Яамны албаны эх сурвалж "Сүүлийн 24 цагт коронавирусийн 27 батлагдсан тохиолдол бүртгэгдсэн байна. Манай улсад бүртгэгдэж буй коронавируст халдвар ногоон түвшинд шилжсэн байгаа” гэдгийг хэллээ.
Үргэлжлүүлэн Эрүүл Мэндийн Хөгжлийн Төвийн албаны эх сурвалжаас тодруулахад "КОВИД-ын тухай хууль мөрдөгдөж байх үед өдөрт хэчнээн тохиолдол бүртгэгдсэн талаарх мэдээлэл ирдэг байсан. Харин одоо коронавирусийн халдварын мэдээллийг сар сараар нь гаргаж байгаа. Гэхдээ өнгөрсөн сарын мэдээлэл арай нэгтгэгдээгүй байна.
Энэ оны эхний гурван сарын өвчлөлийн мэдээллийг Эрүүл Мэндийн Хөгжлийн Төвийн сайтаас харах боломжтой" гэлээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
