ХУВААРЬ: Шивээхүрэн, Гашуунсухайт, Ханги боомт тавдугаар сарын 4-нийг хүртэл ажиллахгүй
"Олон улсын Хөдөлмөрчдийн эв санааны нэгдлийн өдөр” өнөөдөр тохиож байна. Энэ өдөр БНХАУ, ОХУ-ын хилийн боомтууд ажиллахгүй.
Тус хоёр улсын Засгийн газартай хийсэн хэлэлцээрийн дагуу бүх нийтээр тэмдэглэх баяр, амралтын өдрүүдэд хилийн боомтыг хаадаг.
Өнөөдөр ОХУ-тай хиллэдэг Цагааннуур, Боршоо, Тэс, Арцсуурь, Ульхан авто замын боомтууд амарна. Харин Алтанбулаг авто замын боомт 24 цагаар ажиллах бол олон улсын галт тэрэг хуваарийн дагуу явах юм байна.
БНХАУ-тай хиллэдэг Замын-Үүд, Бичигт, Баянхошуу боомт зөвхөн өнөөдөр амарна.
Булган, Бургастай, Шивээхүрэн, Гашуунсухайт, Ханги, Сүмбэр, Хавирга авто замын боомтууд тавдугаар сарын 4-нийг хүртэл амрах хуваарьтай байгааг Гаалийн газраас танилцуулав.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
