• 1 сарын 15, Лхагва
|
Уншиж байна ...
ХУУЧИРСАН МЭДЭЭ: 2023/03/22-НД НИЙТЛЭГДСЭН

М.Цогтбаатар: Хүүгээ Турк улсад эмчлүүлэхэд эхний ээлжид 150 сая төгрөг шаардлагатай. Ард түмнээсээ хандив хүсэж байна

Э.Намуунцэцэг, iKon.mn
2023 оны 3 сарын 22
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Ээжийнхээ хамтран амьдрагчид зодуулж, ГССҮТ-ийн Эрчимт эмчилгээний тасагт эмчлүүлж буй гурван настай хүүгийн төрсөн аав М.Цогтбаатар нөхцөл байдлын талаар өнөөдөр эмнэлгийн гадаа мэдээлэл өглөө. 

Тэрбээр "Мөрдөн байцаалтын талаар би сайн мэдэхгүй байна. Манай өмгөөлөгч мэдэж байгаа байх. Хүүгийн маань ээж биеийн байдлыг нь асууж ерөөсөө холбогдоогүй бөгөөд 48 цаг саатуулагдаад гарсан гэсэн. 

Зургаан настай хүүгээсээ асуухад "Гурван настай Ц.Батзаяа хүүг маань эртнээс зоддог байсан. Мөн ээжийнх нь хамтран амьдрагч сандал өргүүлж зогсоодог байсан" гэх зүйлийг хэлж байв. 

Хүүг маань гуравдугаар сарын 6-нд зодсон байсан. Энэ талаар ээжийнх нь ээж надад 8-ны өдөр мэдээлсэн. 

Эхний ээлжид хүүгээ Турк улс руу авч явж, яаралтай эмчлүүлэх шаардлагатай байна. Зөвхөн эмчилгээний зардалд эхний ээлжид 150 сая төгрөг хэрэгтэй. Тийм учраас Монголын ард түмнээсээ эмчилгээний зардалд хандив хүсэж байна" хэмээв. 

зураг