Монголд анх удаа албан ёсны эрхтэй бөхийн бооцоот таавар эхэлж байна

Монгол Улсад анх удаа цагаан сарын бөхийн барилдааны бооцоот тааврыг “Монголын Үндэсний бөхийн холбоо”, “Scorebet”, цахим төлбөр тооцооны экосистем бүхий “Хай Пэймэнт Солюшнс” ХХК, “Сүлд” телевиз хамтран зохион байгуулж байна. Бооцоот тааврын зорилго нь  Үндэсний өв уламжлалаа өвлүүлэн хамгаалах, нөгөө талаас Монгол Улсад ёс зүйтэй, хариуцлагатай бооцоот таавар хөгжүүлэхэд чиглэжээ.

 

Энэ хүрээнд “Үзэсгэлэн болгогч” хэмээх туулай жилийн цагаан сарын бөхийн барилдааны бооцоот тааварт оролцох 18-аас дээш насны иргэд 10 мянган төгрөгөөр дээд тал нь 10 удаа оролцох эрхтэй юм байна. Оролцогчид шөвгийн дөрөв, үзүүр, түрүү бөхчүүдийг тааж 500 мянга, нэг сая, хоёр сая, таван сая төгрөг хожих боломжийг бүрдүүлжээ.

Үндэсний өв уламжлал, бахархал болсон бөхийн барилдааныг залуус, хойч үедээ таниулан сурталчилж, хамгаалах, аялал жуулчлалыг хөгжүүлэхэд ёс зүйтэй бооцоот таавар эерэг нөлөө үзүүлэх боломжтой гэж зохион байгуулагчид нь тайлбарлаж байна.

Монгол Улсад анх удаа албан ёсны тусгай зөвшөөрөлтэй хэрэгжиж буй цагаан сарын бөхийн барилдааны бооцоот тааварт “Hipay”аппликейшнд байрлах “БӨХИЙН ТААВАР” хэсэг рүү нэвтэрч оролцох юм байна. Та “Hipay” аппликейшнийг гар утасныхаа Play store, Appstore-с татан аваарай.

Албан ёсны зөвшөөрөлтэй цагаан сарын бөхийн бооцоот тааварт оролцох заавартай танилцана уу.

ЗААВАР: