Гавал ба нүүрний ясны хугарлын мэс заслын төлбөрийн 85%-ийг даатгалаар хөнгөлнө
Гавал ба нүүрний ясны хугарлын мэс заслын төлбөрийн 85%-ийг Эрүүл Мэндийн Даатгал(ЭМД)-ын сангаас хөнгөлнө.
Тодруулбал, Эрүүл Мэндийн Даатгалын Үндэсний Зөвлөл(ЭМДҮЗ)-ийн 2022 оны нэгдүгээр тогтоолоор гавал ба нүүрний ясны хугарлын мэс заслын төлбөр тусламж, үйлчилгээнд хэрэглэгдэх багаж хэрэгсэл, хүндрэлээс хамаарч 576 мянгаас 3.2 сая төгрөг байх бөгөөд үүний 85%-ийг ЭМД-ын сангаас хариуцан төлөхөөр зохицуулсан.
Тухайлбал, мэс заслын нийт төлбөр 3,219,000 төгрөг болоход даатгалаас 2,736,150 төгрөг төлж, даатгуулагч нь 482,850 төгрөг төлөх юм.
Иймд даатгуулагчид ЭМД-аар тусламж, үйлчилгээ үзүүлэх гэрээт Эрүүл Мэндийн Байгууллагуудыг Энд дарж харах боломжтой.
Эх сурвалж: Эрүүл Мэндийн Даатгалын Ерөнхий Газар
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
