Улаанбаатар Элит ОУ-ын сургалттай дунд сургуулийн шинэ барилгын шав тавих ёслол боллоо

Намрын отгон сарын энэхүү билигт сайн өдөр Наадам дэнж хотхоны төслийн талбайд Улаанбаатар Элит ОУ-ын сургалттай дунд сургуулийн шинээр баригдах сургуулийн барилгын шав тавих ёслол амжилттай болж өнгөрлөө. Ёслолын ажиллагаанд Улаанбаатар элит дунд сургуулийн багш, удирдлагууд болон гүйцэтгэгч GIP компанийн инженер, удирдлагууд хүрэлцэн ирж оролцлоо.

Улаанбаатар Элит ОУ-ын дунд сургуулийн шинэ байр нь 800 хүүхдийн сургууль болон 100 хүүхдийн багтаамжтай цэцэрлэгтэй байх бөгөөд Наадам Дэнж хотхоны ирээдүй болсон хүүхэд залуучууд маань Олон улсын чанартай сургалтыг гэрийнхээ дэргэдээс авах боломжтой болох юм.

Шинээр баригдах Улаанбаатар Элит ОУ-ын дунд сургууль нь:

• 10,800м2 талбай бүхий барилга бүтээн байгуулалт
• ‍800 хүүхдийн багтаамжтай
• 3,400м2 ногоон байгууламж
• 592м2 олон улсын стандарт хангасан спортын заал
• 416м2 урлаг танхим
• Шинжлэх ухааны лаборатори, технологийн өрөө
• Номын сан бүхий хүүхдийн сурч боловсрох таатай орчныг бүрдүүлсэн жишиг төлөвлөлттэй байхаараа онцлогтой юм.