Бодлогын хүү нэмэгдсэн нь бидний амьдралд хэрхэн нөлөөлөх вэ?
Сүүлийн үед цаг үе, эдийн засгийн нөхцөл байдалтай холбоотой гэнэтийн шийдвэрүүд ар араасаа гарсаар байна. Монголбанк мөнгөний бодлогын хорооны 2022 оны 9 дүгээр сарын 20-ны өдрийн ээлжит хурлаараа бодлогын хүүг 2 нэгж хувиар нэмэгдүүлж 12 хувьд хүргэсэн билээ.
Энэхүү шийдвэрийг дагаад хадгаламжийн хүү нэмэгдэх, зээлийн хүү дагаад өсөх, зах зээл дэх мөнгөний нийлүүлэлт багасах гээд олон төрлийн шууд хамаарлууд бий болно. Тэгвэл Монголын томоохон банкнуудын хамгийн эрэлттэй хадгаламжийн хүү хэрхэн өөрчлөгдөж буйтай танилцацгаая.
Дээрх үзүүлэлтээс харахад иргэд ихэвчлэн 1 жилийн хугацаатай хадгаламж болон хүүхдийн хадгаламжийг түлхүү нээлгэдэг байна. Бодлогын хүү нэмэгдвэл дагаад одоо байгаа хуучин хадгаламжийнхаа хүүг ч нэмэх боломжтой. Гэхдээ иргэд санхүүгийн мэдлэг дутмаг байдлаасаа болоод энэ боломжийг ашиглаж чаддаггүй. Анх хийсэн гэрээнийхээ дагуу л явсаар байдаг.
Эцэст нь бид санхүүгийн аливаа шийдвэр гаргахдаа сайн нягталж, өөрт ашигтай хувилбарыг үргэлж эрэлхийлж байх цаг үе иржээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
3 СЭТГЭГДЭЛТЭЙ
|
