БНХАУ-д зорчих виз мэдүүлэхэд тавигдах шаардлагыг шинэчилжээ. БНХАУ-аас Монгол Улсад суугаа Элчин сайдын яам 2022 оны зургаадугаар сарын 20-ны өдрөөс эхлэн шинэчилсэн хэлбэрээр визийн мэдүүлгийг авч байгаа аж.
Цаг товлох, урьдчилсан хяналт
Элчин сайдын яамны виз мэдүүлгийн үйлчилгээ нь цахим шуудангаар цаг товлож, урьдчилан хянах системийг хэрэгжүүлсэн хэвээр байгаа. Виз мэдүүлэгчид нь өөрийн нөхцөл байдал, зорчих зорилго, визийн ангилал болон холбогдох визийн материалыг манай ЭСЯ-ны баримт бичиг хянах цахим шуудан болох consulatemng@gmail.com хаягт илгээнэ.
ЭСЯ-ны ажилтан виз мэдүүлгийн материалыг урьдчилан хянах бөгөөд баримт бичиг хянагдаж дууссанаар Элчин сайдын яамнаас цаг олголтын дугаарыг цахим шуудангаар илгээж, визийн материалыг шуудангаар илгээх тухай виз мэдүүлэгчид мэдэгдэх юм.
Баримт бичгийн шаардлага
Цахим шуудангийн урьдчилсан хяналт хийгдсэний дараа виз мэдүүлэгч дараах баримт бичгийг Элчин сайдын яаманд шуудангаар илгээнэ.
Үндсэн материал
Бусад нэмэлт материал
Визийн ангиллаас хамаарч холбогдох материалыг бүрдүүлнэ үү.
Визийн ангилал |
Виз мэдүүлэгчийн хамрах хүрээ |
Шаардах материал |
---|---|---|
Z |
БНХАУ-д ажиллах |
“Гадаадын иргэн БНХАУ-д ажиллах зөвшөөрлийн мэдэгдэл” хүчин төгөлдөр байх, эсхүл “Гадаадын иргэний ажиллах зөвшөөрөл”-ийн эх хувь гэх мэт. |
M F |
БНХАУ-д бизнес, худалдаа, шинжлэх ухаан,технологи зэрэг чиглэлийн үйл ажиллагаанд оролцох
|
БНХАУ-ын төрийн байгууллага, төрийн өмчит аж ахуйн нэгж, мужийн Ардын засгийн засгийн газрын гадаад харилцаа, худалдааны алба , хотын Ардын засгийн газрын гадаад харилцааны албанаас гаргасан урилга. |
S1 /Хамт амьдрах/
S2/Төрөл садандаа зочлох/ |
Ажлын визтэй иргэний эхнэр, нөхөр, эцэг, эх, 18 хүртэлх насны хүүхэд, эхнэр, нөхрийн эцэг, эх нь хамт амьдрах, эсхүл төрөл садандаа зочлох зорилгоор БНХАУ-д зорчих. |
Уригч нь БНХАУ-д ажиллаж байгаа тохиолдолд: 1.Виз мэдүүлэгч болон уригч нарын хоорондын холбоо хамаарлыг тодорхойлсон баримт бичиг /гэрлэлтийн гэрчилгээ, төрсний гэрчилгээ, төрөл садан болохыг гэрчилсэн нотариатын бичиг гэх мэт/-ийн эх хувь. 2.БНХАУ-д ажиллаж буй гадаад иргэний гаргасан урилга; 3.Уригчийн паспорт болон оршин суух зөвшөөрлийн хуулбар.
БНХАУ-д ажиллах иргэнтэй хамт виз мэдүүлэх тохиолдолд: 1.Ажлын виз мэдүүлэх материалын хуулбар; 2.Виз мэдүүлэгч болон ажлын виз мэдүүлэгч нарын хоорондын холбоо хамаарлыг тодорхойлсон баримт бичиг /гэрлэлтийн гэрчилгээ, төрсний гэрчилгээ, төрөл садан болохыг гэрчилсэн нотариатын бичиг гэх мэт/-ийн эх хувь; 3.Холбогдох байгууллагын гаргасан тайлбар. *Хэрэв насанд хүрсэн хүү, охин болон түүний эхнэр, нөхөр виз мэдүүлэх тохиолдолд, дээрх материалаас гадна консулын албан тушаалтны шаардсанаар зохих тайлбарыг гаргаж өгөх. |
Q1 /Хамт амьдрах/
Q2 /Богино хугацаанд төрөл садандаа зочлох/ |
1.БНХАУ-ын иргэний гадаад улсын харьяат гэр бүлийн гишүүн
2.БНХАУ-д байнга оршин суух эрхтэй гадаад иргэний гадаад улсын харьяат гэр бүлийн гишүүн
* Гэр бүлийн гишүүнд: Эхнэр, нөхөр, эцэг, эх, эхнэр, нөхрийн эцэг, эх, хүү, охин, хүү, охины эхнэр, нөхөр, ах, эгч, дүү, өвөг эцэг, эмэг эх, ач, зээ хамаарна. |
1.БНХАУ-д амьдарч буй Хятад иргэн, эсхүл БНХАУ-д байнга оршин суух эрхтэй гадаад иргэний гаргасан урилга; 2.Виз мэдүүлэгч болон уригч нарын хоорондын гэр бүлийн гишүүдийн холбоо хамаарлыг тодорхойлсон баримт бичиг /гэрлэлтийн гэрчилгээ, төрсний гэрчилгээ, цагдаагийн байгууллагаас олгосон төрөл садангийн тодорхойлолт, эсхүл төрөл садан болохыг гэрчилсэн нотариатын бичиг гэх мэт/-ийн эх хувь. 3.Уригчийн баримт бичиг /Хятадын иргэний үнэмлэх, өрхийн бүртгэлийн дэвтэр/, эсхүл гадаад иргэний паспорт болон БНХАУ-д байнга оршин суух зөвшөөрөл. |
R |
Өндөр түвшний мэргэшсэн боловсон хүчин |
“Гадаадын өндөр түвшний мэдлэгтэй боловсон хүчинд олгосон баталгаажуулах бичиг”
*Эхнэр, нөхөр болон насанд хүрээгүй хүүхэд нь S2 виз мэдүүлэхэд гэрлэлтийн гэрчилгээ, төрсний гэрчилгээ гэх мэт холбоо хамаарлыг тодорхойлсон баримт бичгийг бүрдүүлж өгөх. |
Анхаарах зүйлс
Консулын баримт бичгийн цахим шуудан: consulatemng@gmail.com, лавлах утас:70100110, Даваа-Баасан гарагт 09:30-12:00, 15:00-18:00 цаг хүртэл ажиллана.
Эх сурвалж: БНХАУ-аас Монгол Улсад суугаа Элчин сайдын яам