ХУУЧИРСАН МЭДЭЭ: 2022/05/26-НД НИЙТЛЭГДСЭН
Т.Ням-Очир: Сурагчдын амралтын хуваарь ӨӨРЧЛӨГДӨӨГҮЙ
iKon.MN
Ерөнхий боловсролын сургуулийн сурагчдын амралт наашилсан гэх мэдээлэл гараад байна.
Энэ талаар Боловсролын Ерөнхий Газрын дарга Т.Ням-Очироос тодруулахад "Сурагчдын амралтын хуваарь өөрчлөгдөөгүй. Боловсрол, шинжлэх ухааны сайдын А/38 тушаалаар баталсан хуваарийн дагуу амарна" гэлээ.
Уг тушаалын дагуу
- 1-5 дугаар ангийн сурагчид зургаадугаар сарын 3-нд
- 6-12 дугаар ангийн сурагчид зургаадугаар сарын 10-нд хичээллэснээр III улирал дуусна.
Мөн 4-5 дугаар ангийн сурагчид зургаадугаар сарын 6-10-нд, 6-12 дугаар ангийнхан 13-17-нд анги дэвших болон улсын шалгалтад хамрагдах хуваарьтай байна.
Боловсрол, шинжлэх ухааны яамнаас "Сурагчдын амралтын хуваарь өөрчлөгдөөгүй.
- 1-3 дугаар ангийн сурагчдын амралт зургаадугаар сарын 6-ны өдрөөс
- 4-5 дугаар ангийн сурагчдын амралт зургаадугаар сарын 13-ны өдрөөс
- 6-12 дугаар ангийн сурагчдын амралт зургаадугаар сарын 20-ны өдрөөс эхэлнэ" гэлээ.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
